Kanna mögulega mengun í Sauðá
Sveitarfélagið Skagafjörður og Heilbrigðiseftirlit Norðurlands vestra kanna nú mögulega mengun í Sauðá á Sauðárkróki, en greint var frá málinu á Facebook-síðu sveitarfélagsins í gær, 28. júlí. Málið er litið alvarlegum augum.
Talið er að málning hafi komist í ána og berist hún nú niður farveginn. Sem betur fer virðist um venjulega vatnsmálningu að ræða en ekki olíumálningu.
Mengunin telst staðbundin þar sem áin rennur í sínum eldri og afmarkaða farvegi án þess að gegnumstraumar hafi víðtækari áhrif. Fulltrúar Heilbrigðiseftirlitsins hafa þegar kannað hvort ummerki væru um að málningu hefði verið hellt í niðurföll í bænum, en svo reyndist ekki vera.
Fólk hvatt til að sýna aðgát og veita upplýsingar
Sveitarfélagið og Heilbrigðiseftirlitið hvetja íbúa og vegfarendur sem eiga leið um svæðið til að sýna aðgát og forðast alla snertingu við vatnið á meðan rannsókn stendur yfir. Þá eru íbúar sem búa yfir upplýsingum er varpað geta ljósi á uppruna eða magn málningarinnar hvattir til að hafa samband, svo hægt sé að komast til botns í málinu sem fyrst.
Fleiri fréttir
-
Leiðangursskipið National Geographic Explorer aftur í Skagafirði
feykir.is Skagafjörður, Mannlíf, Lokað efni 29.07.2026 kl. 09.39Þriðjudaginn 28. júlí kom leiðangursskipið National Geographic Explorer í Skagafjörðinn. Skipið kom í sína fjórðu heimsókn í ár en áætlað er að stoppað verði fimm sinnum við í Sauðárkrókshöfn yfir sumartímann.Meira -
Skemmtileg dagskrá var á landsmóti skáta | Hildur Haraldsdóttir skrifar
feykir.is Skagafjörður, Aðsendar greinar 28.07.2026 kl. 15.04Landsmót skáta var haldið að Hömrum, Akureyri, dagana 20-26 júlí. Eilífsbúar létu sig ekki vanta þangað og fóru átta skátar úr okkar félagi á mótið ásamt tveimur farastjórum þeim Hildi og Emil. Við áttum einnig fólk í fjölskyldubúðum, fengum aukahendur til að aðstoða í "matartjaldinu" og síðan komu margir úr félaginu okkar í heimsókn til okkar á opna deginum. Landsmót skáta er stærsti viðburður skátahreyfingarinnar og voru að þessu sinni um 1100 þátttakendur frá fjöldamörgum þjóðum en flestir af erlendu skátunum komu frá Kanada eða um 400 skátar.Meira -
Stjórnin kveður eftir vel heppnaða hátíð
feykir.is Vestur-Húnavatnssýsla, Mannlíf, Lokað efni 28.07.2026 kl. 14.07Nú er bæjarhátíðinni Eldur í Húnaþingi lokið og heppnaðist allt mjög vel. Dagskráin var stútfull frá mánudegi til sunnudags þar sem allir gátu fundið eitthvað við sitt hæfi. Eins og kom fram á Facebook-síðu hátíðarinnar eru nú komin kaflaskipti og mun ný stjórn taka við hátíðinni á næsta ári.Meira -
„Ég hlakka eiginlega bara til að prófa allt," segir Nína Júlía
feykir.is Skagafjörður, Íþróttir, Lokað efni 28.07.2026 kl. 10.53Nú eru aðeins tveir dagar í Unglingalandsmótið og fánar eru komnir upp um allan bæ. Mikil tilhlökkun er á Sauðárkróki og því er um að gera að heyra í fleiri þátttakendum mótsins. Hin 13 ára gamla, Nína Júlía Þórðardóttir, býr á Sauðárkróki ásamt fjölskyldu sinni. Nína segist spennt fyrir mörgu á Unglingalandsmótinu en allra helst er hún spennt að prófa greinar sem hún hefur aldrei keppt í áður.Meira
