Kári og Pétur Arnar menn ársins í Austur-Húnavatnssýslu 2012
Lesendur Húnahornsins hafa valið feðgana Kára Kárason og Pétur Arnar Kárason sem menn ársins í Austur-Húnavatnssýslu árið 2012. Tilkynnt var um útnefninguna á þorrablóti Vökukvenna sem haldið var í Félagsheimilinu á Blönduósi í gærkvöldi og fengu feðgarnir sitthvorn viðurkenningarskjöldinn þessu til staðfestingar. Samkvæmt Húnahorninu bárust fjölmargar tilnefningar en Kári og Pétur Arnar fengu langflestar.
Í umsögn um þá feðga á Húna.is segir :
„Kári Kárason og Pétur Arnar Kárason unnu björgunarafrek í mars í fyrra þegar þeir sýndu mikið snarræði og björguðu manni sem sat fastur í bíl sem oltið hafði ofan í Laxá á Ásum. Þeir feðgar komu akandi eftir þjóðveginum þegar þeir sáu bíl sem koma akandi á móti þeim taka snögga beygju með þeim afleiðingum að hann endastakkst á bakkanum og lenti síðan úti í ánni á hvolfi. Kári hringdi strax á Neyðarlínuna og gaf þeim upp staðsetningu. Síðan tók sonur hans Pétur Arnar við símanum og sá hann um samskipti við Neyðarlínuna á meðan Kári reyndi að opna dyrnar á bílnum í ánni. Ekki var hægt að opna bílstjóramegin og þurfti Kári að fara lengra út í ána og tókst honum að opna farþegadyrnar. Maðurinn í bílnum var fastur í belti og gat Kári ekki losað það.
Þegar þarna var komið sögu var bíllinn hálffullur af vatni, hann var á hvolfi og ökumaðurinn því með höfuðið ofan í vatninu og að auki fastur í beltinu. Kári greip því til þess bragðs að lyfta höfðinu upp úr vatninu og stóð í ískaldri ánni uns hjálp barst. Pétur Arnar stöðvaði fyrsta bílinn sem koma akandi eftir veginum en í honum voru sjúkraflutningamenn og kom þeir feðgunum til aðstoðar við björgunina.“
Feðgarnir voru samankomnir í Félagsheimilinu á Blönduósi í gærkvöldi til að taka móti viðurkenningum í tilefni af útnefningunni en hefð hefur skapast að tilkynna um mann ársins á hinu sívinsæla þorrablóti Vökukvenna sem ávallt er haldið fyrsta laugardag í þorra.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
