Keðjukast bjargaði flutningabílum
Birgir Ingþórsson bóndi og flutningabílstjóri á Uppsölum í Húnavatnshreppi kom með snarræði í veg fyrir að tveir flutningabílar rynnu út af veginum um Laxárdalsheiði sl. fimmtudag. Á eftir honum var annar flutningabíll og sá var með vagn í eftirdragi og voru þeir báðir búnir að stoppa til að keðja bílana, enda flughált.
„Ég hljóp aftur með bílnum, henti annarri keðjunni við vinstri afturhjólið á vagninum og kastaði hinni keðjunni undir hann og hún lenti á hægra afturhjólinu, “ segir Birgir í samtali við Morgunblaðið.
„Ég var að koma niður Laxárdalsheiðina af Vestfjörðum og var kominn að vegamótunum þar sem Laxárdalsheiðin og vegurinn sem liggur norður Strandir mætast. Það er mjög hált þarna og ég stoppaði aðeins fyrir ofan og ætlaði að setja keðjur á bílinn. Þegar ég var búinn að taka keðjurnar úr kassanum rann bíllinn aðeins út í kantinn,“ segir Birgir. Hinn bílinn hafði verið stöðvaður nokkru fyrir aftan bíl Birgis í sama tilgangi, að setja keðjur undir hann og hafði bílstjórinn farið út úr bílnum.
„Svo verður mér litið aftur fyrir bílinn minn og þá sé ég að hann rennur stjórnlaust í átt að bílnum hjá mér. Ég hljóp aftur með bílnum, henti annarri keðjunni við vinstri afturhjólið á vagninum og kastaði hinni keðjunni undir hann og hún lenti á hægra afturhjólinu. Það varð til þess að vagninn stoppaði á keðjunum af mínum bíl. Þá var flutningabíllinn um einn og hálfan metra frá bílnum mínum. Ef hann hefði lent á honum, þá hefði minn væntanlega farið áfram og líklega farið út af.“ Spurður um viðbrögð bílstjóra hins bílsins segir Birgir hann hafa verið afar feginn og þakklátan.
Birgir keyrir gripaflutningabíl fyrir sláturhúsið á Blönduósi og hefur starfað sem bílstjóri í um 15 ár. Hann segist ekki muna eftir jafn mikilli hálku í jafn langan tíma í einu og nú. „Bíllinn hjá mér er á nýjum dekkjum og allt neglt en það er ekkert sem dugar í svona færð. Ég er að setja keðjurnar undir 6-7 sinnum á dag. Frostþokan er slæm, hún leggst niðri við jörðu og af henni kemur úði þannig að það kemur glæra.“
Birgir segist ekki hafa æft keðjukast hingað til. „En menn ætti kannski að fara að æfa það, þar sem þetta gekk svona vel. En þetta var röð atvika, ég hafði lítinn tíma til að hugsa, heldur gerði það sem ég hélt að myndi gagnast. Ætli þetta hafi ekki verið ósjálfráð viðbrögð.“
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
