Krafan er að fá fund með forkólfum ríkisstjórnarinnar
Bjarni Jónsson, formaður Samtaka sveitarfélaga á Norðurlandi vestra, sakaði ríkisstjórnina um að sýna íbúum landshlutans fálæti í fréttum Útvarpsins fyrr í vikunni en ríkisstjórnin hefur ekki svarað erindi samtakanna með fullnægjandi hætti um mögulegar aðgerðir til að bregðast við fólksfækkun.
Eins og greint var frá í Feyki fyrir stuttu óskaði stjórn SSNV með bréfi þann 21. nóvember sl. stílað á Jóhönnu Sigurðardóttur forsætisráðherra með afriti á Steingrím J. Sigfússon fjármálaráðherra, eftir þátttöku og stuðningi við myndun aðgerðarhóps stjórnvalda og heimamanna sem fjalla ætti um aðgerðir til að efla landshlutann.
Var bent á þær áhyggjur sem sveitarstjórnarfólk á svæðinu hefði vegna alvarlegrar stöðu landshlutans; viðvarandi fólksfækkun, samdrátt í hagvexti á svæðinu undanfarin ár, versnandi lífs- og búsetuskilyrði íbúa, ekki síst vegna ákvarðana stjórnvalda um lækkun fjárframlaga til verkefna í landshlutanum og stórfelldan niðurskurð opinnberrar þjónustu með tilheyrandi áhrifum á innviði og grunngerð en þær ákvarðanir hafa komið hart niður á svæðinu.
Bjarni sagði á RÚV að ekkert svar hafi borist frá ráðuneytinu, hvorki skriflega né munnlega, þar til í síðustu viku, eftir að erindi samtakanna hafði verið ítrekað bréflega í lok janúar. Þá var þeim boðinn fundur með starfsmönnum ráðuneytisins. Bjarni segir það óviðunandi. Krafan sé að fá fund með forkólfum ríkisstjórnarinnar. Hann segir að fólk ætlast sé til þess að við það sé talað en ekki sýnt fálæti. Því hafi verið ítrekuð krafan um fund með stjórnvöldum.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
