Krummasaumur
Þó nokkuð er orðið um það að nýbakaðar mæður saumi sjálfar föt og smekki á börnin sín. Sumar hafa tekið saumaskapinn skrefinu lengra og opnað sölusíðu á samskiptasíðunni Facebook. Hrafnhildur Skaptadóttir eignaðist sitt fyrsta barn, Brynhildi Heiðu, þann 22. febrúar sl. og hefur verið dugleg að sauma föt og smekki á dóttur sína. Nú hefur hún opnað sölusíðuna Krummasaumur á Facebook þar sem hægt er að kaupa sérsaumaða smekki og föt á litlu krílin.
Hrafnhildur segir hugmyndina að sölusíðunni aðalega hafa komið eftir að hún fór að sauma smekki og annað slíkt fyrir dóttur sína. ,,Ég fór að sanka að mér efni, bæði gömlum bútum frá mömmu, úr vefnaðarvöruverslunum og erlendis, svo bunkinn stækkaði hratt og örugglega. Það er ekki öllum í blóð borið að geta saumað svo ég ákvað að sjá hvort einhver hefði áhuga á því sem ég væri að gera.”
Hrafnhildur segist hafa fengið góðann grunn í saumum hjá Bíbí og svo hafi mamma hennar verið dugleg að kenna sér. ,,Mottóið sem amma sagði alltaf við hana var: Þeim mun oftar sem þú rekur upp flíkina, því sáttari verður þú. Og ég var svona ljómandi ánægð með fyrsta gallann þegar ég var búin að ná að klóra mér fram úr honum.”
Hrafnhildur segist hafa fengið mun betri viðbrögð við Krummasaum en hún hafi búist við. Hún bíður þó spennt eftir að hefja aftur störf í Blóma- og gjafabúðinni eftir að fæðingarorlofinu lýkur en útilokar þó ekki að hún haldi Krummasaum áfram. ,,Aldrei að vita nema ég geti gert eitthvað á kvöldin, það kemur bara í ljós hvernig viðbrögðin hjá fólki verða við síðunni.”
Hrafnhildur mun vera með sölubás á Lummudögum, laugardaginn 29. júní nk.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
