Lækkun jöfnunarsjóðs gerir Húnavatnshrepp erfitt fyrir
Húni segir frá því að fjárhagsáætlun Húnavatnshrepps fyrir árið 2011 var samþykkt á fundi hreppsnefndar 28. desember síðastliðinn. Gert er ráð fyrir að 1,9 milljón króna tekjuafgangi af rekstri sveitarfélagsins. Heildar tekjur eru áætlaðar 305,7 milljónir króna og gjöld eru áætluð 296,3 milljónir króna. Afskriftir eru áætlaðar 5,8 milljónir króna og fjármagnsgjöld umfram fjármagnstekjur eru áætluð 1,7 milljón krónur.
Í greinargerð með fjárhagsáætlun Húnavatnshrepps kemur fram að frá árinu 2009 hafi rekstur sveitarfélagsins verið afar erfiður og mjög háður framlögum Jöfnunarsjóðs sveitarfélaga. Á síðasta ári námu framlög sjóðsins tæplega 121 milljón króna eða um 45% af skatttekjum sveitarfélagsins það ár. Samkvæmt áætlun Jöfnunarsjóðs fyrir yfirstandandi ár er gert ráð fyrir að framlög sjóðsins til Húnavatnshrepps verði um 86 milljónir króna og lækka því um 35 milljónir milli ára.
Fulltrúar A-lista lögðu fram tillögu um að afgreiðslu fjárhagsáætlunarinnar yrði frestað fram í janúar m.a. vegna skertra framlaga Jöfnunarsjóðs. Vilja fulltrúar A-lista að óskað verði eftir fundi með forsvarsmönnum sjóðsins þar sem farið verði yfir og leitað skýringa á fyrirhugaðri lækkun. Ef það sé niðurstaðan að framlög sjóðsins skerðast um 31% þurfi að fara miklu betur ofan í alla gjaldaliði áætlunarinnar og finna leiðir til sparnaðar.
Fulltrúar E-lista tóku undir það að óskað yrði eftir fundi með forsvarsmönnum Jöfnunarsjóðs þar sem farið yrði yfir lækkanir á framlögum til sveitarfélagsins. Þeir höfnuðu aftur á móti tillögu A-lista og töldu eðlilegt að ganga frá áætluninni fyrir áramót eins og lög gera ráð fyrir. Vegna óvissu um ýmsa þætti hennar töldu fulltrúar E-lista rétt að áætlunin verði endurskoðuð í apríl á þessu ári og á komandi hausti.
Fleiri fréttir
-
Mini taco veisla og auðveldur eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 01.03.2026 kl. 09.17Það voru Brynja og Hannes sem skoruðu á matgæðinga í tbl. 38, 2025, en það voru þau Matthildur Kemp og Bjarni Páll, þau þakka þeim kærlega fyrir. Matthildur og Bjarni eru bæði frá Sauðárkróki og búin að vera kærustupar síðan í grunnskóla. Þau fluttu saman til Reykjavíkur til að stunda nám, Matthildur er að læra tannlæknisfræði í HÍ og Bjarni er í mastersnámi í byggingarverkfræði í DTU í Danmörku, þau útskrifast bæði næsta sumar!Meira -
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira
