Landsbankinn tekur upp næstu kynslóð í netöryggi
Í dag tekur Landsbankinn upp næstu kynslóð í netöryggi í netbanka einstaklinga. Nýja kerfið felur í sér meira öryggi, betri þjónustu og einfaldari aðgang. Landsbankinn er fyrsti bankinn á Norðurlöndum sem innleiðir þessa lausn en í heiminum öllum notast yfir 6.000 bankar við samsvarandi kerfi. Notendur einkabanka á þeirra vegum eru um 350 milljónir.
Augljósasta breytingin fyrir notendur er sú að við innskráningu og alla almenna notkun einkabanka þurfa viðskiptavinir Landsbankans ekki lengur á auðkennislyklinum að halda, segir í tilkynningu frá bankanum en í staðinn er komið kerfi sem ber saman aðgerðir og aðstæður notandans við sömu stærðir úr fortíð og biður um staðfestingu á auðkenni ef brugðið er út af hefðbundinni notkun. Að öllu jöfnu finnur viðskiptavinurinn ekki fyrir kerfinu.
Staðfestingin getur farið annars vegar fram með símtali eða með SMS-skilaboðum sem notandinn fær úr kerfinu, og hins vegar með svari við einni af þremur öryggisspurningum sem notandinn hefur sjálfur valið. Kerfið greinir upplýsingar þrjá mánuði aftur í tímann en þær eru ekki persónugreinanlegar.
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
