Litið við hjá ferðaþjónustuaðilum - Gisting og góðar veitingar við þjóðveginn
Í Víðigerði við þjóðveg 1 í Víðidal hefur um langan tíma verið rekin veitingasala. Fyrir fjórum árum festu núverandi eigendur kaup á staðnum og síðan þá hafa umtalsverðar breytingar orðið á staðnum. Feykir hitti mæðginin Kristin Bjarnason og Guðlaugu Jónsdóttur að máli og fékk þau til að segja sér frá rekstrinum og þeim framkvæmdum sem þau hafa staðið í undanfarin ár.
Staðurinn ber í dag nafnið North West Hotel & Restaurant. Guðlaug og maður hennar Hallgrímur Hallgrímsson ásamt Kristni og konu hans, Rakel Maríu Eggertsdóttur, festu eins og áður segir kaup á húsnæðinu árið 2014 en áður höfðu þau annast reksturinn eitt sumar. Þau hófust strax handa við framkvæmdir og standsettu hótel á efri hæðinni með níu tveggja manna herbergjum. Að sögn Kristins var allt viðhald komið á tíma og strax var ráðist í nauðsynlegar endurbætur á eldhúsinu og síðan hefur verið unnið að miklum endurbótum innanhúss, s.s. við rafmagns og vatnslagnir og margt fleira. Núorðið eru þau farin að ráða fólk í vinnu en fyrsta árið voru það aðeins þau fjögur sem gerðu allt sem gera þurfti. „Fyrstu tvö árin voru rosalega erfið, það var alltaf að koma eitthvað nýtt og nýtt upp á en nú erum við komin með hausinn upp úr vatninu,“ segir Kristinn. Á þessum tíma hafa áherslurnar í veitingasölunni einnig tekið talsverðum breytingum, frá því að vera dæmigerð vegasjoppa með einföldum réttum til
þess að verða alvöru veitngastaður og gististaður. „Við höfum lagt mikinn metnað í matseðilinn svo nú er staðurinn orðinn meira aðlaðandi fyrir þá sem vilja koma og setjast niður og fara út að borða góðan mat á leiðinni milli staða,*“ segir Kristinn. Aðspurð um vinsælustu réttina segja þau Kristinn og Guðlaug hamborgara og súpur alltaf vera vinsæla rétti en einnig séugrillaðar kótilettur mjög vinsæll réttur.Stefnt á frekari endurbætur
Á hótelinu á efri hæð hússins eru eins og áður segir níu tveggja manna herbergi með baðherbergi þar sem boðið er upp á gistingu í uppbúnum rúmum. Einnig er sameiginleg setustofa á hæðinni og er aðstaðan öll hin vistlegasta. Mjög góð nýting er á gistingunni yfir sumarmánuðina og segja þau Guðlaug og Kristinn að meirihluti næturgesta séu erlendir ferðamenn. Hins vegar sé meira um íslenska matargesti og hafi þeim farið fjölgandi ár frá ári. Má það væntanlega þakka því að orðspor staðarins hefur spurst út því litlu fjármagni hefur verið varið í auglýsingar þar til nú á þessu ári.
Opið er í Víðigerði frá klukkan 10 – 22 alla daga vikunnar en boðið er upp á morgunverðarhlaðborð fyrir næturgesti frá klukkan 7:30. Lokað er yfir háveturinn en opnunartíminn hefur verið að lengjast ár frá ári. Þetta árið var opnað 1. apríl og verður opið til 1. nóvember og er ætlunin að lengja tímann á næsta ári. „Túristatímabilið hefur verið að lengjast fram á haustið og við erum að eignast stærri hóp af íslenskum viðskiptavinum. Vonandi endar þetta bara með því að við þurfum ekkert að loka þó að háveturinn sé nú ansi erfiður,“ segir Kristinn en bætir því við að kosturinn við að loka svona stað yfir einhvern tíma ársins sé að þá gefist færi á að endurskoða hlutina, hvað gangi ekki og hvað þurfi að bæta þannig að alltaf sé opnað að vori með einhverjar nýjar áherslur. „Svo er bara að halda áfram, hvort sem það er að bæta við gistinguna eða stækka veitingasalinn, það fer alveg að koma tími á það. Þannig að hægt og rólega er þetta alltaf að verða betra og betra, það tekur bara tíma að rífa svona stað upp,“ segir Kristinn að lokum.
Þess má að lokum geta að staðurinn fékk viðurkenningu frá Trip Advisor á síðasta ári.
Áður birt í 24. tbl Feykis 2018.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.