Það er löngu búið að sanna hver er besta plata allra tíma / SÉRA FJÖLNIR
Séra Fjölnir Ásbjörnsson er prestur í Holti í sveitarfélaginu Ísafjarðarbæ. Hann er fæddur árið 1973, alinn upp á Króknum frá 8 ára aldrei og segist skilgreina sig sem Króksara þegar spurt er eftir uppruna. Hljóðfærið hans Fjölnis er Yamaha BB1600 bassi sem var til sölu í Radíólínunni fyrir rúmum 20 árum en kom óvænt í hans hendur fyrir nokkrum árum og hefur ekki farið úr þeim síðan.
Helstu tónlistarafrek: Ég er nú að vona að helstu afrekin séu enn framundan. Ég hef samið nokkur lög á undanförnum árum og er að reyna að koma þeim á framfæri, þetta tekur allt tíma. Ég hef líka fengið ágæta aðstoð frá góðum tónlistarmönnum þannig að það er aldrei að vita nema folk fái að heyra þetta einhvertíman bráðlega (allavegana á facebook).
Uppáhalds tónlistartímabil? Ég verð að segja nýrómantík níunda áratugarins, hárið og fötin voru furðuleg en tónlistin er ennþá ótrúlega skemmtileg. Ég hef reyndar líka verið veikur fyrir hippatímanum og þá sérstaklega Doors. Árið 2001 vitjaði ég grafar Jim Morrison í París
Hvaða tónlist fær þig til að sperra eyrun þessa dagana? Ég rakst á hljómsveit um daginn sem heitir Bright Eyes sem mér sýnist vera góð. Ég bendi á lagið At the Bottom of Everything ef einhver er á youtube.
Á hvers konar tónlist var hlustað á þínu heimili? Geirmund og Hallbjörn.
Hver var fyrsta platan/diskurinn/kasettan/niðurhalið sem þú keyptir þér? Það var vinylplata með Elvis að syngja jólalög. Ég sakna vinylsins mikið
Hvaða græjur varstu þá með? Úff! Græjur bernskunnar voru svo slappar að ég held að ég hafi ekki heyrt bassa í lögum fyrr en ég var kominn á unglingsár.
Wham! eða Duran? Ég studdi Duran af heilum hug og geri enn, ég er samt orðinn tilbúinn að viðurkenna að þeir Wham-drengir hafi verið ögn skárri en við Duran-menn vildum viðurkenna í denn
Hvað syngurðu í sturtu? Way We Were með Barbra Streisand (eins og í óborganlegu atriði í Naked Gun)
Þú heldur dúndurpartí í kvöld, hvað læturðu hljóma í græjunum til að koma öllum í stuð? Get into the Groove myndi koma partíinu í gang
Þú vaknar í rólegheitum á sunnudagsmorgni, hvað viltu helst heyra? Sunday Morning Coming Down með Johnny Cash er mesta sunnudagslag allra tíma
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? AC/DC kæmi sterklega til greina. Mér sýnist að mesta stuðið sé á tónleikum í Japan og ég myndi trúlega taka Tjörva Berndsen með, við fórum saman í rokkferð á Akranes um árið til að sjá Black Sabbath, það myndi hafa verið 1992.
Hvaða tónlistarmann hefur þig dreymt um að vera? Mig dreymdi reyndar einu sinni að ég væri söngvarinn í Motley Crue en ég var bara feginn þegar ég vaknaði vegna þess að ég hef aldrei fílað þá neitt sérlega vel.
Hver er að þínu mati besta plata sem gefin hefur verið út? Þessi spurning er óþörf, það er löngu búið að sanna að Led Zeppelin IV er besta plata allra tíma
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.