Ljósmyndasýningin - Náttúran í Austur Húnavatnssýslu
Mánudaginn 10. október nk. opnar ljósmyndasýningin, Náttúran í Austur-Húnavatnssýslu í íþróttahúsinu á Blönduósi. Þar ætlar áhugaljósmyndarinn Róbert Daníel Jónsson að sýna myndir sem teknar eru í Austur-Húnvatnssýslu. Aðal markmið sýningarinnar er að auka áhuga fólks á fallegri náttúru Austur- Húnavatnssýslu og er hún styrkt af Uppbyggingarsjóði Norðurlands vestra.
Róbert hefur búið ásamt fjölskyldu sinni á Blönduósi í rúm 11 ár og á þeim tíma hefur áhugi hans á svæðinu aukist mikið. Hann er mikill útivistarmaður og er myndavélin nánast undantekningalaust með í för í göngu-, hjóla- og veiðiferðum. Róbert er ekki menntaður ljósmyndari en hefur, eins og áður hefur komið fram, á undanförnum árum haft gríðarlegan áhuga á að taka fallegar myndir og hefur haft mikinn metnað fyrir því að uppfæra búnað og tæki til þess að ná sem bestum gæðum fram, er með atvinnumanna ljósmyndabúnað og festi nýverið kaup á flygildi sem hefur að hans sögn vonandi aukið fjölbreytni og gæði ljósmyndanna.
Róbert á orðið stórt safn fjölbreyttra ljósmynda frá Austur- Húnavatnssýslu sem hann langar til að nota til að kynna svæðið enn betur. Ljósmyndum hans hefur verið vel tekið og hafa þær farið víða í kynningarefni fyrir sýsluna á undanförnum árum og hefur fengið mikið lof frá heimamönnum sem og ferðafólki fyrir góða kynningu á svæðinu með myndunum sínum.
Hægt verður að skoða sýninguna á opnunartíma Íþróttamiðstöðvarinnar á Blönduósi .
Fleiri fréttir
-
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira
