Loftslagsráðherrann og sveitarfélögin á Norðurlandi vestra | Sigurjón Þórðarson skrifar
Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.
Guðlaugur Þór hefur boðað ríkisvæðingu heilbrigðiseftirlits sveitarfélaga en það mun m.a. leiða af sér að tveir ríkisstarfsmenn munu m.a. sinna eftirliti í Safnaðarheimili Sauðárkrókskirkju og Tindastólstjaldinu þ.e. annars vegar frá MAST og hins vegar frá UST, í stað þess að starfsmaður sveitarfélagsins heimsæki staðina. Mögulega mun nýtt skipulag verða skilvirkara enda verða "áhættumetnir eftirlitsþættir" Safnaðarheimilis Sauðárkróks færðir inn í nýjan samræmdan eftirlitsgrunn, sem á að vísu eftir að gera og græja.
Önnur verkefni umhverfisráðuneytisins sem snúa að sveitarfélögunum á svæðinu hafa því miður verið látin sitja á hakanum m.a. þau sem snúa að:
a) fráveitum, en gildandi reglugerð sem sett var á síðustu öld, er barn síns tíma. Það undarlegasta við dráttinn á að gefa út nýjar leiðbeiningar til sveitarfélaganna í formi reglugerðar er að það liggja nú þegar fyrir fullbúin drög sem eru mun betri en gildandi reglugerð. Þau eru vissulega ekki fullkomin frekar en önnur mannanna verk.
b) förgun dýraleifa (áhættuvefja) og þá sérstaklega förgun á riðufé m.a. þáttum sem snúa að úrræðum þegar brennslan Kalka er óvirk vegna viðhalds. Sömuleiðis má bæta alla upplýsingagjöf vegna riðumála til íbúa og sveitarfélaga.
c) lagfæringum á stórgallaðri skráningarreglugerð sem átti að bæta aðgengi að stjórnsýslunni, en meingölluð reglugerðin hefur snúist upp í andhverfu sína.
d) bráðnauðsynlegum erindum er ekki svarað sem snúa að förgun á jarðvegi úr sand- og olíuskiljum, með þeim afleiðingum að mengunarvarnarbúnaður verður óvirkur. Fyrirtæki á Norðurlandi vestra hafa ítrekað bent á að skiljur séu orðnar stútfullar og ekki er hægt að losa þær þar sem enginn farvegur er fyrir jarðveginn.
í sjálfu sér er það hið besta mál að loftslagsráðherrann leggi sig fram við að bjarga loftslagi heimsins, en það er ekki gott ef það verður til þess öll verkefni sem snúa að sveitarfélögum á Norðurlandi vestra gleymast.
Sigurjón Þórðarson, heilbrigðisfulltrúi
Fleiri fréttir
-
Mikið um að vera á Hólum um hvítasunnuna
feykir.is Skagafjörður, Austur-Húnavatnssýsla, Hestar, Vestur-Húnavatnssýsla, Fréttir 21.05.2024 kl. 15.18WR Hólamót – Íþróttamót UMSS og Skagfirðings var haldið á Hólum í Hjaltadal dagana 17.-19. maí. Þar sem keppt var í Fimmgangi, Fjórgangi, Tölti og Skeiði.Meira -
Átt þú í sambandserfiðleikum?
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.05.2024 kl. 11.20Á undanförnum árum höfum við í Framsókn talað mikið um mikilvægi fjarskiptainnviða um allt land. Í nútímasamfélagi skipta fjarskipti miklu máli en sem dæmi um fjarskipti má nefna farsímasamband, ljósleiðarasamband og Tetra samband. Á föstudag var ég málshefjandi á sérstakri umræðu um fjarskipti í dreifbýli á Alþingi, við háskóla-, iðnaðar- og nýsköpunarráðherra, sem fer með þann málaflokk.Meira -
Fjögur víti dæmd í fjörugum jafnteflisleik í Hveragerði
feykir.is Skagafjörður, Íþróttir 20.05.2024 kl. 21.34Tindastólsmenn heimsóttu lið Hamars í Hveragerði í dag í 4. deildinni í fótboltanum. Stólarnir unnu fyrsta leikinn í deildinni á dögunum en lið Hamars hafði spilað tvo leiki og unnið báða. Liðin buðu upp á markaleik í dag en skiptu stigunum jafnt á milli sín eftir að dómarinn gaf báðum liðum tvær vítaspyrnur í leiknum – fjórar alls! – þar sem mögulega hefði ekki átt að dæma eina einustu. Lokatölur 3-3.Meira -
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.