Lokunarslár væntanlegar á fjallvegi á Norðurlandi vestra
Á 112-deginum þann 11. febrúar var formlega tekin í notkun lokunarslá yfir Hellisheiði sem er sú fyrst sinna tegundar hér á landi. Fleiri slám verður bætt við í kjölfarið og eiga þær að notast þegar vegir eru lokaðir vegna færðar.
Hingað til hefur verið látið duga að loka vegum með einfaldri tilkynningu á færðarkorti Vegagerðarinnar eða með bifreiðum. Umræddar slár eiga hins vegar að fara yfir akreinina og loka henni þannig að ekki verði hægt ða komast leiðar sinnar. Bílar sem eru ennþá inn á umræddum vegum komast hins vegar niður, þar sem önnur akreinin er alltaf opin.
Á vef Vegagerðarinnar er haft eftir Hreini Haraldssyni vegamálastjóra að með auknum fjölda ferðamanna, erlendra og innlendra, væri nauðsynlegt að taka upp breytt vinnubrögð, öryggisins vegna. Reynslan hefði líka sýnt að björgunarsveitir þyrftu í auknum mæli að leggja á heiðarnar til að bjarga fólki í vondu veðri og væri ætlunin með slánum og lokuninni á vegum að fækka þeim tilvikum og auka þannig öryggi vegfarenda. Hreinn sagðist vonast til þess að vegfarendur tækju þessu vel.
Auk þessa er búið að uppfæra tölvubúnað í ljósaskiltum Vegagerðarinnar þannig að nú er mögulegt að birta texta hvortveggja á íslensku og ensku og getur skipst á textinn “Lokað” og “Closed” komi til þess að loka þurfi vegi. Einnig hafa verið sett blikkljós á skiltin sem vekja athygli ef til lokunar hefur komið.
Þegar hefur lokunarslá verið sett upp á Dettifossvegi, en í fyrsta áfanga uppsetningar lokunarsláa verða settar upp -- auk Hellisheiðarinnar -- slár í Þrengslum, á Mosfellsheiði, Holtavörðuheiði, Bröttubrekku, Fróðárheiði, Þröskuldum, Steingrímsfjarðarheiði, Hrafnseyrarheiði, Dynjandisheiði, Þverárfjallsvegi, Vatnsskarði, Siglufjarðarvegi, Lágheiði, Öxnadalsheiði, Víkurskarði, Mývatnsöræfum, Fjarðarheiði, Breiðdalsheiði, Fagradal, Öxi og Skeiðarársandi. Fleiri munu síðan bætast við í kjölfarið.
Lokun vegar með slá fer eftir fyrirfram ákveðnu verklagi sem tekur mið af aðstæðum á hverjum stað fyrir sig. Lokun miðast til dæmis við ófærð þar sem snjómoksturstæki hefur ekki undan veðrinu, skyggni er óviðunandi eða veðurhæð þannig að um hættuástand er að ræða, eða vegna slyss. Vegagerðin og björgunarsveitir vinna saman að lokun.
Það er von Vegagerðarinnar og björgunaraðila að vegfarendur taki þessari nýbreytni vel og geri sér grein fyrir að þetta er gert til að auka og tryggja öryggi vegfarenda. Þetta flýtir einnig fyrir því að vegir opni á ný því nú á Vegagerðin stundum í erfiðleikum með að opna vegi vegna bíla sem sitja fastir, mannlausir á heiðum.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
