Maður ársins á Norðurlandi vestra 2017 - Kosning hafin
Eins og undanfarin ár stendur Feykir fyrir kjöri á manni ársins. Gefst íbúum á svæðinu og öðrum lesendum Feykis kostur á að velja úr hópi þeirra sem tilnefndir voru af lesendum. Í þetta skiptið bárust fimm tilnefningar.
Hægt verður að greiða atkvæði á vefnum Feyki.is eða senda atkvæði í pósti á Feykir, Borgarflöt 1, 550 Sauðárkróki. Kosningin er þegar hafin og lýkur henni kl. 12 á hádegi á nýársdag, 1. janúar
Aldís Olga Jóhannesdóttir - Hvammstanga
Aldís Olga er tilnefnd fyrir framlag sitt til menningarmála til samfélagsins í Húnaþingi vestra. Hún hélt úti farsælum vefmiðli, Norðanátt.is, um tíu ára skeið. Auk þess að vera í stjórn Menningarfélags Húnaþings vestra - sem hlúir að og styður við hvers kyns menningarstarfsemi í Húnaþingi vestra - hefur hún tekið virkan þátt í skipulagningu og uppsetningu fjölmargra menningarviðburða í gegnum árin. Hún er því vel að titlinum „Maður ársins 2017“ kominn fyrir ómetanlegt framlag hennar til menningarmála og ímyndarsköpun Húnaþings vestra og fyrir að auðga samfélagið, segir í tilnefningunni.
Ingvi Hrannar Ómarsson - Sauðárkróki
Ingvi Hrannar er kennsluráðgjafi í upplýsingatækni og skólaþróun í Sveitarfélaginu Skagafirði og Árskóla á Sauðárkróki. Hann er einn eftirsóttasti fyrirlesari landsins á sviði upplýsingatækni og í haust hlaut hann viðurkenningu á því sviði frá tölvurisunum Google og Apple. Er hann fyrstur Íslendinga til að hljóta slíkan heiður. Íslendingar eiga í framtíðinni eftir að njóta brautryðjandastarfs Ingva Hrannars, segir í tilnefningu hans.
Jóhanna E. Pálmadóttir - Akri, A-Hún
Jóhanna er framkvæmdastjóri Textílsetursins á Blönduósi. Hún fær tilnefningu fyrir dugmikið starf í þágu menningar og lista í Austur-Húnavatnssýslu. M.a. hlaut Prjónagleðin, sem hún á stóran þátt í að koma á laggirnar, þann heiður að vera valin sem eitt af verkefnum Afmælisnefndar vegna 100 ára fullveldis Íslands árið 2018. Jóhanna er frábær leiðtogi og dugmikil til allra verka, segir í tilnefningu hennar.
Pálmi Ragnarsson - Garðakoti, Skagafirði
Þó tilefnið sé á alvarlegu nótunum þá fékk Pálmi tilnefningu til manns ársins vegna jákvæðni sinnar við baráttu hans við krabbamein undanfarin ár. Hann heldur lífsgleðinni og kraftinum hvernig sem allt er. Það er það sem ég dáist að og við ættum að hafa til fyrirmyndar, segir í tilnefningu Pálma.
Sigurður Líndal Þórisson og Greta Clough - Hvammstanga
Hjónin Sigurður Líndal Þórisson og Greta Clough á Hvammstanga fengu saman tilnefningu og getur Feykir ekki sett sig upp á móti því og hvað þá að stilla þeim upp móti hvort öðru. Þeirra tilnefning er vegna framlags þeirra til menningar og atvinnulífs í Húnaþingi vestra. Sigurður hefur sett upp leiksýningar á svæðinu og það nýjasta Hér um bil Húnaþing sem frumsýnt var í síðustu viku. Hann hefur einnig haft frumkvæði sem formaður Ferðamálafélags Húnaþings vestra og eflt starf Selasetursins.
Greta hefur sett á stofn Handbendi brúðuleikhús og ferðast með sýningar víða t.d. sýninguna tröll auk þess að vera virk í öðru menningarlífi. Mikið happ fyrir Húnaþing vestra að fá þau hingað í samfélagið og reyndar fyrir allt Norðurland vestra, segir í tilnefningunni.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.