Markviss-félagar næla sér í verðlaun
Guðmann Jónsson og Snjólaug María Jónsdóttir, félagar í skotfélaginu Markviss á Blönduósi, náðu góðum árangri á landsmóti í skeet sem haldið var á í Höfnum á Reykjanesi um síðustu helgi. Líkt og á fyrsta landsmóti ársins þá var veðrið í aðalhlutverki mótsdagana og gustaði hressilega um keppendur auk þess sem úrhellis rigning var seinni keppnisdaginn.
Snjólaug hafnaði í 2. sæti í kvennaflokk eftir keppni við SR-inginn Dagnýju Hinriksdóttur. Guðmann náði 3. sæti í 1.flokk og var fjórði inn í undanúrslit þar sem hann ásamt Jakobi Þór Leifssyni (SIH) náði hæsta skori og skutu þeir því til úrslita um sigur á mótinu, en Jakob hafði betur eftir bráðabana.
Á annan í hvítasunnu lá svo leiðin á skotsvæði Skotreynar á Álfsnesi þar sem Guðmann keppti á Sportvíkurmótinu í sporting, en þar hafnaði hann í 2 sæti í B-úrslitum. Næsta mót verður dagana 1.-2. júní í Reykjavík (SR) og eru þrír keppendur skráðir frá Markviss.
Markviss verður svo gestgjafi næsta móts þar á eftir, en landsmót verður haldið á svæði félagsins dagana 22- 23 júní næstkomandi. Þá gefst kostur á að fylgjast með bestu skotmönnum og konum landsins etja kappi í Ólympíugreininni "Skeet."
Fleiri fréttir
-
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira
