Markvissfélagar standa sig vel á SÍH-OPEN
Guðmann Jónasson og Brynjar Þór Guðmundsson í Skotfélaginu Markviss á Blönduósi hrepptu þriðja sætinu í A- og B- flokki er þeir kepptu fyrir hönd félagsins á hinu árlega alþjóðlega skotmóti SÍH-OPEN, sem haldið af Skotíþróttafélagi Hafnarfjarðar í áttunda sinn dagana 30. júní og 1. júlí sl.
Fyrirkomulag SIH OPEN er með þeim hætti að eftir fyrri dag er keppendum skipt í A og B flokk eftir skori í fyrstu þremur umferðum mótsins, seinni daginn eru svo tvær síðustu umferðir mótsins, ásamt úrslitum þar sem keppa sex efstu menn í A og B flokkum.
Samkvæmt fréttatilkynningu frá Markviss voru 26 þátttakendur skráðir til keppni að þessu sinni, þar af sjö frá Færeyjum en leirdúfuskotfimi á þar miklum vinsældum að fagna um þessar mundir.
„Eftir fyrri daginn hafnaði Brynjar í B flokk á skorinu 58/75, Guðmann lauk fyrri degi á 63/75 og komst í A flokk. Seinni daginn gekk báðum nokkuð vel og komust báðir í úrslit þar sem Brynjar náði þriðja sæti í B flokki eftir sigur í bráðabana gegn Óskari Þórðarsyni (SIH). Guðmann var sjötti inn í úrslit í A flokki en náði að vinna sig upp í það þriðja með því að skjóta 24/25 í úrslitunum,“ segir í fréttatilkynningu.
Sigurvegari mótsins að þessu sinni varð Pétur Gunnarsson (SIH) og Sigurþór Jóhannesson í öðru sæti.
Nánari upplýsingar um úrslit má finna á http://sti.is/mot&urslit.htm
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
