„Mikið framfaraár hjá lögreglunni“
Um áramót gengu í gildi einar umfangsmestu breytingar í sögu lögreglunnar þegar fullur aðskilnaður varð á milli sýslumanna og lögreglunnar. Lögreglan á Blönduósi og Sauðárkróki voru sameinaðar í Lögregluna á Norðurlandi vestra með aðalaðsetur á Sauðárkróki. Páll Björnsson var skipaður í embætti lögreglustjóra en hann á langan starfsferil að baki sem sýslumaður á Höfn í Hornafirði. Blaðamaður Feykis leit við á stöðinni og spurði Pál út í líf og störf lögreglustjórans og er hann í opnuviðtali Feykis sem kom út í dag.
Páll tók til starfa um áramótin og fram til þessa hefur starf hans gengið út á að klára þær breytingar sem gerðar hafa verið á lögregluembættinu. Þegar Páll er spurður hvort einhverjar áherslubreytingar hafi orðið frá áramótum svarar hann að breytingar á áherslum séu ekkert endilega bundnar við hvert embætti fyrir sig heldur gjarnan hafðar á landsvísu.
„Ríkislögreglustjóri er til þess að samræma störf lögreglunnar í landinu almennt og það leiðir til þess að áherslur koma jafnt yfir landið. Áherslubreytingar koma með ýmsu móti og best að þær komi ekki í skyndingu,“ segir hann og heldur áfram: „Peningar er það sem málið snýst mikið um. Málið er það að lögreglan, eins og fleiri, hefur verið geysilega fjársvelt. Það verður að segjast eins og er en þetta stendur til verulegra bóta og hefur verið gert á þessu ári. Það er aukið fé, fyrir utan breytingar á húsnæðinu sem ég nefndi áðan sem hafa verið til beinna framfara, þá er búið að endurnýja mikið af húsbúnaði, tækjum og fleiru og við eigum von á meiri stuðningi í þessu.“
Páll nefnir lögreglubíla embættisins sem dæmi og segir hann von á frekari endurnýjun á þeim á næstunni, jafnvel á þessu ári, og stendur til að endurnýja tvo þeirra, annan á Blönduósi og hinn í Skagafirði.
„Lögreglubíll er feykilega mikið samansafn af tækjum og tólum en það er hlutur sem skiptir miklu máli. Þetta hefur verið mikið framfaraár hjá lögreglunni varðandi þessa hluti. En við skulum láta árið líða áður en við segjum að breytingarnar sem slíkar séu farnar að skila sér,“ útskýrir Páll.
Húnvetningur aftur á heimaslóðir
Það má segja að Páll hafi verið að koma aftur á heimaslóðirnar þegar hann fluttist yfir landið þvert og endilangt og tók að sér starf lögreglustjóra Norðurlands vestra. Hann er Húnvetningur að upplagi, fæddur og uppalinn á Ytri-Löngumýri í Blöndudal í Austur-Húnavatnssýslu. Páll er fæddur árið 1948, þriðji elstur af tíu systkinum. Foreldrar hans hétu Björn Pálsson og Ólöf Guðmundsdóttir og segist Páll vera kominn af bændafólki í báðar ættir.
Viðtalið í heild sinni má lesa í Feyki vikunnar.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
