Mikið um óhrein löndunarkör
Sumareftirlitsmenn Matvælastofnunar hafa nú lokið störfum en þeir voru tveir og störfuðu á höfnum á Norðurlandi, Suðurvesturlandi og Vesturlandi. Verkefni þeirra var að mæla hitastig landaðs afla, kanna aflameðferð og löndunaraðstæður. Enn sjást merki um það viðhorf að ekki sé þörf á kælingu afla, segir á heimasíðu Matvælastofnunar.
Eftirlitsmenn mældu hitastig afla um 500 báta og voru mælingarnar tæplega 1900. Rúm 90% mælinganna voru gerðar á afla handfærabáta og var 70% aflans þorskur, 20% ufsi og 10% aðrar tegundir. Þegar á heildina er litið var meðferð afla nokkuð góð. Um borð var aflinn yfirleitt geymdur í lest eða í lokuðu kari á dekki, aðeins í 10% tilfella var afli óvarinn á dekki. Vel var staðið að þrifum og umgengni góð í 90% skoðaðra báta, segir í skýrslu MAST.
Meðalhitastig afla við löndun í júní og júlí var 2,8°C og 76% mælinga sýndi hitastig undir 4°C. Þetta er mikil breyting frá fyrra ári en þá var meðalhitastig afla 3,6°C og 65% voru innan við 4°C.
Afla sem landað var í Stykkishólmi hafði gengið illa að kæla, meðalhitinn var 4°C og aðeins rétt rúmur helmingur var undir 4°C. Hins vegar var meðalhiti lægstur á afla lönduðum á Sauðárkróki 1,9°C. Skiptin milli íss og krapa sem kælimiðils var nokkuð jöfn en mjög breytileg eftir landshlutum. Þannig höfðu þeir sem lönduðu á Siglufirði flestir kælt með krapa, eða 86% en aðeins 24% þeirra sem lönduðu í Ólafsvík. Hlutfall þeirra sem lönduðu ókældum fiski fór hæst í 6% og var það á Rifi. Þá kom það fyrir að svokallaður meðafli var ekki kældur.
Að þessu sinni voru 20 hafnir skoðaðar og fengu flestar þeirra nokkuð góða einkunn. Yfirleitt var umgengni um löndunarsvæðið góð, löndunarbúnaður hreinn og vatn til þrifa aðgengilegt. Umsögn eins og „allt til fyrirmyndar“ og „mjög snyrtileg höfn“ fengu t.d. hafnirnar á eftirtöldum stöðum: Arnarstapa, Grundarfirði, Dalvík og Skagaströnd. Hins vegar var nokkuð um að fugl kæmist í aflann og þar voru hafnirnar í Ólafsvík, Sandgerði, Siglufirði, Stykkishólmi og á Skagaströnd nefndar.
Mikið er um óhrein löndunarkör á höfnum landsins og gerðu eftirlitsmenn lauslega könnun á ástandi löndunarkara og annarra íláta sem notuð eru undir fisk. Algengast var að löndunarkör á höfnum, sem merkt eru Umbúðamiðlun, væru óhrein og þau ekki þrifin fyrir notkun.
Sjá nánar HÉR
Fleiri fréttir
-
Stefnir í sameingarviðræður Dalabyggðar og Húnaþings vestra
feykir.is Vestur-Húnavatnssýsla, Lokað efni 12.06.2025 kl. 11.21Á sveitarstjórnarfundi í Húnaþingi vestra í dag verður tekin endanleg ákvörðun um hvort ákveðið verði að hefja formlegar sameiningarviðræður við Dalabyggð. Sveitarstjórn Dalabyggðar hefur þegar samþykkt að hefja sameiningarviðræður en sú ákvörðun var endanlega samþykkt á fundi sveitarstjórnar Dalabyggðar þann 10. júní sl.Meira -
Ungmenna og íþróttafélagið Smári 30 ára
feykir.is Skagafjörður, Íþróttir, Mannlíf, Lokað efni 12.06.2025 kl. 09.50Ungmenna og íþróttafélagið Smári sem starfar í Varmahlíð og sveitunum í kring er 30 ára um þessar mundir. Smári varð til við sameiningu fjögurra ungmennafélaga...Meira -
Smábæjarleikar að hefjast á Blönduósi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.06.2025 kl. 08.55Smábæjaleikarnir á Blönduósi fara fram um helgina og er þetta í 21. skiptið sem þeir eru haldnir. Keppt er í knattspyrnu í stúlkna- og drengjaflokkum í 8., 7., 6. og 5. flokki.Meira -
Styrktarsjóður geðheilbrigðis auglýsir eftir umsóknum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.06.2025 kl. 08.37Styrktarsjóður geðheilbrigðis auglýsir eftir umsóknum í fimmta sinn en tilgangur sjóðsins er að stuðla að framförum í geðheilbrigðismálum með því að veita styrki til verkefna og rannsókna sem bætt geta geðheilbrigði íbúa Íslands og/eða skilning þar á.Meira -
Fæðingardeildin 50 ára
feykir.is Skagafjörður, Hestar, Mannlíf, Lokað efni 11.06.2025 kl. 14.12Einn af föstu punktunum í tilverunni á Króknum er fæðingardeild Sauðárkrókshesta sunnan við bæinn. Sauðárkrókshestar er ræktunarnafn Guðmundar Sveinssonar og fjölskyldu. Sveinn faðir Guðmundar lagði grunninn að þessari ræktun með þeim mæðgum, Ragnars Brúnku og Síðu frá Sauðárkróki.Meira
