Mikil blessun fylgdi Hólahátíð í ár
Hólahátíð fór fram um liðna helgi og var hún tileinkuð 500 ára afmæli Marteins Lúthers, með áherslu á siðbót í samtíð. Hátíðardagsskrá setti Solveig Lára Guðmundsdóttir, vígslubiskup í Auðunarstofu á föstudaginn en meðal dagsskráliða má nefna þátttökugjörninginn Tesur á Hólahátíð, sem fór fram alla helgina og Tón-leikhúsið á sunnudeginum. Þá lagði hópur fólks upp í Pílagrímsgöngu á laugardagsmorgni frá Gröf á Höfðaströnd, eftir Hallgrímsveginum að Hóladómkirkju.
Að sögn Solveigar Láru tókst Hólahátíð frábærlega vel í alla staði. Veðrið lék við gesti hátíðarinnar eins og oft áður. Hún segir tesuverkefnið hafa tekist vel: „Mun betur en við gátum ímyndað okkur. Það var stöðugt rennerí í Nýjabæ alla helgina og fólk fylltist mikilli lotningu við að koma hugmyndum sínum á prent með þessari gömlu aðferð. Það er skemmst frá því að segja að í lok hátíðarinnar töldum við 210 tesur á hurðinni í kirkjunni.“
Solveig segir að tesunar standi enn uppi og verða þar út mánuðinn svo fólk getur komið og séð þær og jafnvel bætt við þær þó það sé búið að fjarlægja gömlu prentsmiðjuna.
Kirkjan var fullsetin þegar tón-leikhúsið var sýnt og í prestsvígslunni þegar sr. Stefanía Guðlaug Steinsdóttir var vígð tilþjónustu í Lögmannshlíðarprestakalli. Einnig var full kirkja á samkomunni eftir kaffið þegar sr. Auður Eir Vilhjálmsdóttir hélt hátíðarræðu.
„Það var gríðarlega margt fólk sem kom að þessari Hólahátíð, myndlistarnemar, sem voru fjórir talsins, auk Guðrúnar Kristjánsdóttur og Ólafar Nordal, sem sáu um allan undirbúning. Tón-leikhúsið flutti ReykjavíkBarokk, en þar voru tólf hljóðfæraleikarar, fjórir einsöngvarar og Steinunn Jóhannesdóttir leikkona. Listrænir stjórnendur voru Diljá Sigursveinsdóttir og Guðný Einarsdóttir.“
Pílagrímagangan eftir Hallgrímsveginum frá Gröf á Höfðaströnd heim að Hólum var farin á laugardeginum og er orðinn fastur liður á Hólahátíð, en að sögn Solveigar aldrei verið gengin í eins fallegu veðri og nú, undir heiðskírum himni, í logni og hlýju veðri.
„Þegar allt er talið upp má segja að mikil blessun hafi fylgt Hólahátíð í ár, en yfirskrift hennar var Siðbót í samtíð, þar sem við fögnum nú 500 ára afmælis siðbótar Marteins Lúthers,“ segir Solveig Lára.
Hér fyrir neðan má sjá myndskeið frá pílagrímsgöngunni, fengið af fésbókarsíðu kirkjunnar en þar er hægt að sjá fleiri myndbrot frá hátíðinni..
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
