Miklar annir hjá björgunarsveitum
Vonskuveður hefur gengið yfir landið undangenginn sólarhring og valdið rafmagnsleysi víða um norðurland. Enn er rafmagnslaust í Unadal og Deildardal í Skagafirði, samkvæmt heimildum Rúv.is. Rafmagn er komið á í Vestur-Hópi og Blönduhlíð og að hluta til í Lýtingsstaðahreppi í Skagafirði.
Miklar annir hafa verið hjá björgunarsveitarmönnum á svæðinu í ýmsum störfum, m.a. að hjálpa bændum við að bjarga sauðfé sem fennti í gær, og einnig til að hjálpa starfsmönnum RARIK. Samkvæmt heimasíðu Landsbjargar var kallað út í Varmahlíð, á Blönduósi, Hofsósi og einnig Sauðárkróki.
Björgunarsveitin á Sauðárkróki aðstoðaði starfsmenn Rarik við að losa ísingu af rafmagnslínum. Um kl. 1 var hún kölluð út á ný til að festa báta í höfninni sem voru teknir að losna og gekk það vel.
„Sveitirnar voru kallaðar út um hádegi og voru að störfum langt fram eftir kvöldi við ýmis verkefni. Aðalverkefni sveitanna var að aðstoða RARIK við að brjóta ís af línum og koma á sambandi aftur þar sem að línur höfðu slitnað. Einnig var mikið af bílum upp á Vatnsskarði og Þverárfjalli sem þurftu aðstoð og lokuðu sveitirnar báðum fjallvegunum um tíma,“ segir á heimasíðu Skagfirðingasveitar.
Það á að hægja á veðurhamnum með kvöldinu samkvæmt spá Veðurstofu Íslands fyrir næsta sólarhringinn, og verða norðvestan 8-13 og skýjað en úrkomulítið. Hægari í kvöld. Hiti 2 til 7 stig, en kringum frostmark í nótt.
Veðurhorfur á landinu næstu daga
Á fimmtudag:
Norðaustan og norðan 10-15 m/s, en suðvestan 8-13 SA-til. Rigning víða um land og hiti 3 til 12 stig, mildast S-til.
Á föstudag:
Norðvestan 8-10 m/s NA-lands, en annars hægari og skúrir víða á landinu. Gengur í suðaustan 8-13 með rigningu SV-lands undir kvöld. Hiti 5 til 10 stig.
Á laugardag:
Snýst í norðlæga átt með rigningu, en slyddu fyrir norðan. Kólnar í bili.
Á sunnudag og mánudag:
Breytilegar áttir, skúrir og milt veður að deginum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
