Nældu sér í sjö gullverðlaun
Kjötiðnaðarmenn SAH Afurða ehf. á Blönduósi hlutu sjö gullverðlaun í Fagkeppni Meistarafélags kjötiðnaðarmanna 2014. Alls voru um 140 innsendar vörur þetta árið svo úrvalið var mikið. Frá þessu er sagt á heimasíðu SAH afurða. Þetta er í fyrsta sinn sem fyrirtækið tekur þátt í keppninni. Þrír kjötiðnaðarmenn sem tóku þátt frá fyrirtækinu hlutu allir gullverðlaun í keppninni.
Fyrirkomulag keppni var þannig að keppendur sendu inn ómerktar vörur sem fóru fyrir dómnefnd. Þar mátu dómarar fjölmarga þætti er varða bragð, útlit, áferð og fl. Eftir að allir dómar lágu fyrir komu fram upplýsingar um framleiðendur og kjötiðnaðarmenn. Keppendur frá SAH Afurðum voru þau Elmar Sveinsson, Bergþór Pálsson og Gunnhildur Þórmundsdóttir og hlutu þau öll gullverðlaun. Auk þess fékk Bergþór Pálsson sérstök verðlaun fyrir bestu vöru í flokki grafinna og reyktra laxfiska.
Fagkeppnin var mjög gæsileg í alla staði þetta árið og gaman að sjá allar þessar nýju hugmyndir á einum stað. Þetta er í fyrsta sinn sem kjötiðnaðarmenn frá SAH Afurðum taka þátt í Fagkeppni Meistarafélags kjötiðnaðarmanna. Björn Kristjánsson tók þátt fyrir hönd Sölufélag Austur-Húnvetninga svf. árið 1998 og vann þá gullverðlaun fyrir sviðasultu, kæfu og fl.
Fleiri fréttir
-
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira -
Enginn lax á land á opnunardegi í Blöndu
feykir.is Austur-Húnavatnssýsla, Lokað efni 06.06.2025 kl. 09.06Enginn lax kom á land í opnun Blöndu í gær en aðstæður fyrir veiðimenn voru erfiðar, rok, úrkoma og skítakuldi. Í frétt Húnahornsins segir að auk þess hafi áin verið vatnsmikil og lituð því sökum úrkomu hefur vatnsmagn í lækjum margfaldast. Opnanir í Blöndu hafa ekki gefið mikið af sér síðustu ár og á því varð ekki breyting að þessu sinni.Meira -
„Erum ennþá að móta okkur í deildinni“
feykir.is Skagafjörður, Íþróttir, Lokað efni 05.06.2025 kl. 18.51„Sigurinn var virkilega sætur og skipti okkur miklu máli,“ segir Konráð Freyr Sigurðsson, Konni, þjálfari Tindastóls þegar Feykir spurði hann út í leikinn gegn Knattspyrnufélagi Fjallabyggðar sem var spilaður í gærkvöldi. Stólarnir unnu leikinn, gerðu sigurmarkið á 99. mínútu og nældu í dýrmætan sigur í kjölfar þriggja tapleikja.Meira
