Ný skólastefna Blönduósbæjar
Bæjarstjórn Blönduósbæjar samþykkti á fundi sínum í vikunni nýja skólastefnu og er hún aðgengileg á vef sveitarfélagsins. Drög að skólastefnunni voru til umfjöllunar á fundi bæjarstjórnar 16. nóvember síðastliðinn og samþykkti bæjarstjórn þá að kynna hana fyrir íbúum og kalla eftir athugasemdum. Engar athugasemdir bárust og því hefur skólastefnan verið samþykkt.
Fram kemur í skólastefnunni að hún skuli höfð að leiðarljósi við gerð skólanámskráa og vera stjórnendum bæjarfélagsins leiðarvísir um uppbyggingu skóla. Skólastefnan sé jafnframt nauðsynleg heimilunum til að fylgjast með markmiðum og framkvæmd skólastarfs. Í ört breytilegu samfélagi þurfi að endurskoða skólastefnuna reglulega, að minnsta kosti á þriggja ára fresti.
Í stefnuyfirlýsingu í skólastefnunni kemur fram að stefna Blönduósbæjar í skóla- og uppeldismálum sé að tryggja nemendum aðgang að góðri og fjölbreyttri menntun í öruggu starfsumhverfi þannig að nemendur eigi kost á menntun við sitt hæfi og að komið sé í veg fyrir hvers konar mismunun.
Þá segir í stefnuyfirlýsingunni að skólar Blönduósbæjar leggi áherslu á jafnan rétt til náms, umhyggjusemi og vellíðan nemenda. Með siðvit, bókvit og verkvit að leiðarljósi fái sérhver nemandi hvatningu til náms í samræmi við þroska sinn, áhuga, hæfileika og sköpunargleði.
Einnig segir í stefnuyfirlýsingunni að skólar Blönduósbæjar skuli skapa í samstarfi við foreldra sem bestar aðstæður til náms með hvetjandi starfsumhverfi, hæfileikaríku starfsfólki og virkum tengslum við samfélagið. Skólar Blönduósbæjar gegni því hlutverki að mennta ábyrga og hæfa þjóðfélagsþegna sem geti tekið virkan þátt í þróun eigin samfélags og stundað frekara nám. Skólarnir séu menntastofnanir í sífelldri þróun.
/Húni.is
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
