Nýr Feykir tileinkaður Lífsins gæði og gleði kemur út í dag
Nýr Feykir lítur dagsins ljós í dag og er blaðið stútfullt af efni tileinkuðu atvinnulífssýningu Skagafjarðar – Lífsins gæði og gleði, sem haldin verður með pompi og prakt um næstu helgi. Í blaðinu er einnig fjallað um menningarveisluna sem fylgir Sæluvikunni en hún hefst formlega nk. sunnudag.
Í blaðinu er m.a. viðtal við Jón Eðvald Friðriksson framkvæmdastjóra FISK Seafood um þau straumhvörf sem hafa orðið í stefnu fyrirtækisins undanfarin misseri í átt að nýsköpun og vöruþróun.
Rætt er við Bjarna Jónsson, formann Atvinnu-, menningar- og kynningarnefndar svf. Skagafjarðar, um vinnu sveitarfélagsins undanfarin 10 ár að því að koma koltrefjaverksmiðju á koppinn í Skagafirði en slíkur iðnaður hefði gríðarlega þýðingu fyrir svæðið.
Stefán Vagn Stefánsson formaður byggðarráðs segir frá Mótun, nýstofnaðri plastbátaverksmiðju í Skagafirði en smíði fyrsta bátsins er hafin. Þá er fer Indriði Þór Einarsson, sviðsstjóri veitu- og framkvæmdasviðs svf. Skagafjarðar, yfir fyrirhugaðar framkvæmdir Skagafjarðarveitna í sumar.
Fjallað er um Sæluvikustykkið Rjúkandi ráð sem Leikfélag Sauðárkróks setur á fjalirnar, stórsýninguna Tekið til kostana í reiðhöllinni Svaðastöðum, opnun hins nýja bars og gistiheimilis Microbar & bed á Sauðárkróki, Karlakórinn Heimi ásamt Kristni Sigmundssyni í Miðgarði og margt margt fleira.
Blaðinu verður dreift frítt á öll heimili á Norðurlandi vestra, Hólmavík og í þéttbýlum á Tröllaskaga. Hér má einnig sjá netútgáfu blaðsins.
Ekki Sjónhorn þessa vikuna
Vakin er athygli á því að Sjónhornið kemur ekki út þessa vikuna. Þeir sem vilja vekja athygli á viðburði eða slíku er sem fyrr bent á Feyki.is en þar er hægt að vera með auglýsingu og umfjöllun.
Fleiri fréttir
-
Á sama tíma að ári...
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.06.2025 kl. 14.17Gul viðvörun tók í gildi í fjórðungnum klukkan tíu í morgun og er í gildi til fram yfir hádegi á morgun þriðjudag.Meira -
Sagan hans Kidda
feykir.is Skagafjörður, Lokað efni 02.06.2025 kl. 13.39Kristinn Freyr Briem Pálsson, gjarnan kallaður Kiddi, er fæddur þann 26. mars 1999 „og er undan Steinunni Valdísi Jónsdóttur og Páli Briem en ég bý einnig svo vel að hafa Sigurð Inga Ragnarsson einnig í föðurhlutverki.“ Kiddi á þrjú systkini þau Brynjar Loga, Ingu Sólveigu og Veigar Þór einnig er hann í sambandi með Kristínu Lilju Gunnarsdóttur. Kiddi er björgunarsveitarmaður og húsasmíðameistari að mennt og vinnur fyrir K-Tak á Sauðárkróki. Kristinn Freyr greindist með krabbamein í byrjun maí á síðasta ári og sléttum níu mánuðum eftir að hann hóf lyfjameðferð hefur hann fengið þær fréttir að hann er laus við meinið. Blaðamaður hafði samband við Kidda og bað hann að segja okkur söguna sína. Við gefum Kidda orðið…Meira -
Stóraukið fjármagn í viðhald vega á landsbyggðinni | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 02.06.2025 kl. 13.04Við þekkjum öll dæmi um vegi í okkar heimabyggðum sem þarfnast úrbóta strax. Vegi sem skipta máli fyrir öryggi fólksins okkar og framtíð byggðanna.Meira -
Nýr singull frá Andra&FarmerJohn
feykir.is Skagafjörður, Listir og menning, Lokað efni 01.06.2025 kl. 23.28Mexíkrókska ofursveitin Andri&FarmerJohn hefur setn frá sér nýtt lag en höfuðpaurinn Andri Már Sigurðsson, búsettur í Mexíkó, sagði lesendum Feykis frá nýju hljómsveitinni sinni í ítarlegu viðtali síðla vetrar. Nýja lagið kallast Sleeping Pill Steve og er eins konar óður til kántrýtónlistarinnar en í textanum er fjallað um tíma Andra í San Miguel de Allende, spilandi á börum með hljómsveitinni sinni 3-4 sinnum í viku.Meira -
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira
