Nýtt nám í gestamóttöku og stjórnun við ferðamáladeild
Í tilefni af tuttugu ára starfsafmæli Ferðamáladeildar Háskólans á Hólum var mánudaginn 3. október haldin afmælisráðstefna undir yfirskriftinni „Menntun framtíðarleiðtoga í ferðaþjónustu“. Þar var tilkynnt að frá og með haustinu 2017 fyrirhugar deildin að bjóða upp á nám til BA gráðu í gestamóttöku og stjórnun (e. hospitality management). Með því er leitast við að mæta þörfum atvinnugreinarinnar fyrir menntað starfsfólk og stjórnendur á þessu sviði. Sem fyrr mun deildin bjóða það nám sem fyrir er þ.e. nám til BA gráðu í ferðamálum með áherslu á náttúru og menningu, diplómur í viðburðastjórnun og ferðamálafræði sem og rannsóknatengt meistaranám í ferðamálafræði.
Á ráðstefnuna sem fram fór á Grand Hótel í Reykjavík mættu um 90 manns. Fjölbreytt erindi voru flutt af aðilum úr stjórnkerfinu, atvinnulífinu og háskólaumhverfinu. Ávörp fluttu Erla Björk Örnólfsdóttir rektor Háskólans á Hólum, Ragnheiður Elín Árnadóttir ráðherra ferðamála, Illugi Gunnarsson menntamálaráðherra og Ólöf Ýrr Atladóttir ferðamálastjóri. Framsögur fluttu Laufey Haraldsdóttir deildarstjóri ferðamáladeildar, Þórir Erlingsson kennari í stjórnun gestamóttöku við Michael A. Leven School of Culinary Stustainability and Hospitality, Kennesaw State University, USA og Reidar J. Mykletun prófessor við háskólann í Stavanger sem hefur um langt skeið boðið nám á sviði gestamóttöku. Aðilar úr ferðaþjónustu fluttu einnig framsögur en það voru þau Jónas Guðmundsson frá SafeTravel, Erna Dís Ingólfsdóttir, Íslandshótelum, Ágúst Elvar Bjarnason, Arctic Adventures og Ingibjörg Ólafsdóttir, Radison Blu Hótel Saga.
Pallborðsumræðum um hvert við viljum stefna varðandi menntun í ferðaþjónustu á Íslandi stýrði Guðrún Þóra Gunnarsdóttir forstöðumaður Rannsóknarmiðstöðvar ferðamála. Þáttakendur í pallborðinu voru Óskar Jósefsson, Stjórnstöð ferðamála, Gunnar Jóhannesson Land- og ferðamáladeild Háskóla Íslands, María Guðmundsdóttir, Samtökum ferðaþjónustunnar, Baldur Sæmundsson, Menntaskólanum í Kópavogi og Ingibjörg Sigurðardóttir, ferðamáladeildar Háskólans á Hólum.
Í máli fundarmanna kom skýrt fram þörf ferðaþjónustunnar sem atvinnugreinar fyrir menntað og vel þjálfað starfsfólk og stjórnendur. Áhersla var lögð á að samhliða hinum gríðarlega vexti greinarinnar yrði að efla færni og þekkingu starfsmanna til að mögulegt væri að tryggja gæði og fagmennsku í þjónustu við gesti. Var í því sambandi litið til eflingar náms í ferðatengdum greinum á öllum skólastigum og aukins samstarfs milli þeirra sem koma að menntun í ferðaþjónustu.
/Fréttatlkynning
Myndir hér fyrir neðan eru frá afmælisráðstefnunni á Grand Hótel.
Fleiri fréttir
-
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira
