Nýtt skjáupplýsingakerfi ferðamanna
Í gær var tekið í notkun nýtt skjáupplýsingakerfi SafeTravel. Á vef Landsbjargar kemur fram að upplýsingagjöf til ferðamanna er eitt mikilvægasta tækið þegar kemur að forvörnum, sérstaklega í landi eins og Íslandi þar sem veður breytast hratt og náttúran spilar stærri þátt í ferðalaginu en víða annarsstaðar.
Skjáupplýsingakerfið byggir á því að settir verða upp skjáir á allt að 30 helstu viðkomustöðum ferðamanna víðsvegar um landið; á stærri upplýsingamiðstöðvum, umferðamiðstöðvum, flugvöllum, stærri gististöðum og bensínstöðvum. Um er að ræða byltingu í upplýsingagjöf til ferðamanna hér á landi, ekki síst vegna þess hversu víðtækt samráð ýmissa aðila, svo Vegargerðarinnar, Veðurstofu, almannavarnadeildar Ríkislögreglustjóra, ferðaþjónustunnar og fleiri, liggja að baki átaksins.
Fyrsti skjárinn var tekinn formlega í notkun hjá Olís í Norðlingaholti í gær af ráðherra ferðamála, Ragnheiði Elínu Árnadóttur.
Útlit mun verða samræmt en upplýsingarnar sem birtast staðbundnar. Þannig gæti skjár í Staðarskála t.d. sýnt færð á Holtavörðuheiði á vefmyndavél og á korti yfir Norðvesturland, svo dæmi sé tekið. Einnig verða birt almenn ferðaheilræði, svo sem varðandi akstur, gönguferðir, þverun straumvatna, neyðarnúmerið 112 og fleira í þeim dúr. Í tilfellum þar sem stór vá væri fyrir höndum gæti viðvörun um slíkt tekið yfir allan skjáinn eða hluta hans.
„Er það von Slysavarnafélagsins Landsbjargar og allra þeirra aðila sem koma að SafeTravel verkefninu að með kerfinu verði hægt að auka upplýsingagjöf til ferðamanna og þar með öryggi þeirra og ánægju,“ segir á heimasíðunni.
Heimild: Landsbjörg.is
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
