Ökumenn kvarta undan dularfullum blæðingum
Ökumenn hafa kvartað undan því að farið sé að blæða úr klæðingu vega um landið norðvestanvert. Í umfjöllun Mbl.is um málið kemur fram að Vegagerðin sé ráðalaus við þessu fyrirbrigði sem á sér stað á bundnu slitlagi eða klæðingu á landsbyggðinni.
Þegar olíu blæðir úr slitlagi eða klæðingum hleðst hún á bíldekk smátt og smátt þar til hún getur breyst í köggla sem losna síðan af. Menn verði ekki varir við þetta nema þegar þeir sjá að þetta hafi breyst í köggla sem dreifist um veginn og breytist í litlar klessur. Einhverjar hugmyndir eru uppi hjá Vegagerðinni um að þetta væri af völdum efna sem hefðu verið borin ofan í veginn.
„Þetta skemmir kannski ekkert rosalega mikið En það flýtur stundum svona bik á yfirborðinu og þetta límist á dekkin og dettur svo af. Þetta slítur auðvitað slitlaginu en það er ekki eins og það komi holur,“ segir Magnús Valur Jóhannsson, svæðisstjóri vestursvæðis hjá Vegagerðinni í samtali við Mbl.is.
„Við höfum aldrei komist að því hvers vegna þetta gerist,“ segir Magnús og bætir við að þetta geti gerst við ákveðnar aðstæður, t.d. þegar það hlýni snögglega. Hiti og raki séu áhrifaþættir.
Ástandið slæmt víða í Húnavatnssýslum
Jón Ragnar Ólafsson, bílstjóri hjá Guðmundi Tyrfingssyni, hafði samband við Mbl.is og kvartaði undan ástandinu. „Maður bara rífur upp klæðinguna. Þetta festist á dekkjunum og fer upp í hjólaskálarnar. Síðan er þetta að skjótast af dekkjunum hér og þar,“ segir hann.
Jón Ragnar var á ferðinni á um þjóðveg 1 sl. laugardag frá Víðigerði að Blönduósi og sagði ástandið þar vera slæmt og að klæðingin valdi ökumönnum vandræðum. Þá var hann einnig á ferðinni frá Víðidalsá að Staðarskála í gær og sagði hann ástandið vera eins á þeim kafla.
Lögreglunni á Blönduósi hefur borist samskonar kvartanir frá fleiri ökumönnum varðandi ástand þjóðvegarins í Hrútafirði og í Langadal.
Heimildir: Mbl.is
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
