Orkusalan ræktar skóg við Skeiðsfossvirkjun
Grænar greinar er eitt af grænum verkefnum Orkusölunnar og er fyrst og fremst hugsað til vitundarvakningar og skemmtunar og fá öll sveitarfélög landsins afhenta plöntu til gróðursetninga. Yfir þúsund plöntur gróðursettar við Skeiðsfossvirkjun.
Á heimasíðu Orkusölunnar kemur fram að á seinasta ári hafi fyrirtækið gróðursett yfir þúsund plöntur í skógi sínum við Skeiðsfossvirkjun í Fljótum og áttu góðan dag saman með starfsmönnum og þeirra fjölskyldum eftir að verkefni sumarsins kláraðist en frá því að Orkusalan var stofnuð hefur fyrirtækið ræktað skóg við Skeiðsfossvirkjun.
Grænar greinar er eitt af grænum verkefnum
Orkusölunnar, en fyrirtækið gróðursetur plöntur
til jafns við þær sem gefnar voru sveitarfélögum
í sumar. Hér hefur Eyþór Einarsson,
hreppsnefndarmaður Akrahrepps,
tekið við plöntu Orkusölunnar.
„Markmið skógræktarinnar er að rækta fjölnytjaskóg sem fellur vel að landinu, því fellur þetta verkefni vel að markmiðunum. Orkusalan setur sér háleit markmið þegar kemur að umhverfismálum og er þetta græna verkefni sumarsins, eins og árið á undan, að afhenda sveitarfélögum landsins Grænar greinar Orkusölunnar til gróðursetningar,“ segir í frétt Orkusölunnar. Ennfremur kemur fram í fréttinni að Orkusalan sé eina orkufyrirtækið á almennum markaði sem er kolefnishlutlaust.
Fleiri fréttir
-
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira
