Safna fyrir sjálfvirku hjartahnoðtæki
Sjúkraflutningamenn á Hvammstanga hafa komið af stað söfnun fyrir sjálfvirku hjartahnoðtæki sem nefnist Lucas 2. Að sögn Gunnars Sveinssonar sjúkraflutningamanns mun tækið hafa mikla þýðingu fyrir samfélagið þar sem fáir koma að endurlífgun þegar hún á sér stað. Lucas 2 kemur alveg í stað fyrir þann sem hnoðar og viðheldur fullkomnu hnoði í langan tíma svo lengi sem hann hefur rafmagn, sem er mun lengur heldur en venjulegur maður hefði úthald til.
-Söfnunin hefur farið ágætlega af stað og höfum við leitað til fyrirtækja og einstaklinga í samfélaginu. Nú þegar hafa safnast 750 þúsund krónur frá tveimur aðilum, en kostnaður við kaup á þessu tæki er 2,5 milljónir. Þetta er í fyrsta sinn sem fer fram almenn söfnun fyrir sjúkrabíla á Hvammstanga frá því ég kom inn í þetta fyrir átta árum, segir Gunnar.
-Það var fyrst byrjað að safna fyrir Lucas 2 á Akranesi og þá gáfu tvö fyrirtæki tæki þangað. Nú eru þau í Búðardal að bíða eftir tækinu sínu sem þau hafa safnað fyrir.
-Við töldum að okkar góða samfélag myndi taka vel á móti þessu hér eins og annarsstaðar og það hefur verið virkilega gaman að finna stuðninginn, segir Gunnar.
Hollvinasamtök Heilbrigðisstofnunarinnar á Hvammstanga hafa ákveðið að halda utan um söfnunina og er reikningsnúmerið: 0159-15-200135 og kennitalan: 711006-2140.
Fleiri fréttir
-
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira -
Rekstur Húnabyggðar skilaði 210 milljóna afgangi
feykir.is Austur-Húnavatnssýsla, Lokað efni 29.05.2025 kl. 19.50Rekstur Húnabyggðar gekk vonum framar á síðasta ári og samkvæmt ársreikningi 2024 varð rekstrarniðurstaðan jákvæð um rúmlega 210 milljónir króna. Eigið fé í lok árs 2024 nam 1,5 milljarði. Í frétt á Húnahorninu segir að rekstrartekjur sveitarfélagsins í fyrra námu rúmum 2,9 milljörðum og þar af voru skatttekjur tæpir 1,3 milljarðar. Rekstrargjöld námu um 2,4 milljörðum og þar af voru laun og launatengd gjöld um 1,4 milljarður. Afskriftir námu 149 milljónum og fjármagnsgjöld tæpum 180 milljónum. Niðurstaðan er 184 milljónum betri en áætlun gerði ráð fyrir.Meira -
161 nemandi brautskráðist frá FNV í gær
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 29.05.2025 kl. 10.31Fjölbrautaskóla Norðurlands vestra var slitið við hátiðlega athöfn miðvikudaginn 28. maí. Frá skólanum brautskráðust 161 nemandi af öllum brautum skólans. Ingileif Oddsdóttir, skólameistari, og Þorkell V. Þorsteinsson, aðstoðarskólameistari, stýrðu athöfninni. Þau sérstöku tímamót verða við skólann að loknu þessu skólaári að þrír stjórnenda skólans; Ingileif skólameistari, Keli aðstoðarskólameistari og Kristján Bjarni Halldórsson áfangastjóri, láta af störfum.Meira -
Sjómenn til hamingju! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.05.2025 kl. 10.29Sjómenn Íslands fyrr og nú eiga heiður skilinn fyrir framlag sitt til íslensks samfélags. Það þarf sterk bein til að sækja sjó því það er ekki alltaf logn og blíða og veður geta oft verið válynd og æðruleysi og dugnaður hefur einkennt íslenska sjómannastétt.Meira -
Rannsóknir efldar á vatnasviði Blöndu
feykir.is Austur-Húnavatnssýsla, Lokað efni 29.05.2025 kl. 10.18Landsvirkjun og Veiðifélag Svartár og Blöndu komust í vetur að samkomulagi um kostun Landsvirkjunar á vöktun seiðastofna í báðum ám. Í frétt Húnahornsins segir að Landsvirkjun muni einnig kosta úttekt Hafrannsóknastofnunar á ástandi laxastofnsins í Blöndu. Þá er fyrirhuguð rannsókn á fiskstofnum í bergvatnsánum uppi á Auðkúluheiði og Eyvindarstaðaheiði sem falla til Blöndulóns.Meira
