Sagnadagur í Húnaþingi vestra
Sagnadagur verður í Húnaþingi vestra laugardaginn 12. apríl næstkomandi og samanstendur hann af sagnanámskeiði á Reykjaskóla og Sagnakvöldi á Gauksmýri. Að deginum standa Grettistak og Byggðasafn Húnvetninga og Strandamanna í samstarfi við ILDI, eins og sagt er frá á fésbókarsíðu safnsins.
Fyrri hluti Sagnadagsins er sagnanámskeið á Reykjaskóla sem hefst með setningu klukkan 13:00 og er áætlað að því ljúki klukkan 18:00. Á námskeiðinu verða flutt erindi um sagnaarfinn og sagnalist, hugmyndasmiðja um viðhald og nýtingu sagna og sagnamennsku í Húnaþingi og örnámskeið í sagnalistinni.
Síðari hluti Sagnadagsins er sagnakvöldverður- og skemmtan á Sveitasetrinu Gauksmýri sem hefst klukkan 19:00. Þar verður Einar Kárason, rithöfundur og sagnameistari aðalsögumaður kvöldsins.
Dagskrá Sagnadagsins:
Kl. 13:00
Setning Sagnanámskeiðs
Kl. 13:15
"Allt satt og rúmlega það."
Erindi um sagnaarfinn og sagnalist.
Ingi Hans Jónsson, sagnarmaður.
Kl. 14:00
Sögurnar okkar.
Yfirlit um sagnaarfinn í Húnaþingi.
Pétur Jónsson og Sigríður Bachmann.
Kl. 14:20
Sögur í tíma og ótíma - Að halda sagnahefðinni lifandi.
Umræður og hugmyndasmiðja um viðhald og nýtingu sagna og sagnmennsku í Húnaþingi.
Kl. 15:00
Kaffiveitingar á Byggðasafninu að Reykjum.
Kl. 15:45
Að segja sögur - örnámskeið.
Allir hafa hæfileika til að segja sögur. Þetta stutta námskeið veitir tilsögn og ábendingar um "verkfærakistu sagnamannsins" og hvað ber helst að varast í sagnalistinni. Þátttakendur spreyta sig á að segja sögur og fá leiðbeiningar um góða sagnamennsku.
Kl. 18:00
Sagnanámskeiði lýkur.
Kl. 19:00
Sagnakvöldverður (þríréttað) og -skemmtan á Sveitasetrinu Gauksmýri.
Öllum opið.
Kl. 20:00
Sagnaskemmtan hefst.
Þekktir og óþekktir sagnamenn láta sögurnar flakka.
Aðalsögumaður kvöldsins er Einar Kárason, rithöfundur og sagnameistari.
Verð fyrir Sagnadaginn er:
Sagnanámskeið 4.500 kr.
Sagnakvöldverður og -skemmtan 6.700 kr.
Sagnaskemmtan 1.500 kr.
Sagnanámskeið, -kvöldverður og -skemmtan 9.000 kr.
Skráningar fara fram hjá Gudrunu Kloes í síma 898-5154 og á netfanginu gudrun@ssnv.is. Sjá einnig á www.visithunathing.is og www.grettistak.is.
Fréttatilkynning
Fleiri fréttir
-
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira -
Enginn lax á land á opnunardegi í Blöndu
feykir.is Austur-Húnavatnssýsla, Lokað efni 06.06.2025 kl. 09.06Enginn lax kom á land í opnun Blöndu í gær en aðstæður fyrir veiðimenn voru erfiðar, rok, úrkoma og skítakuldi. Í frétt Húnahornsins segir að auk þess hafi áin verið vatnsmikil og lituð því sökum úrkomu hefur vatnsmagn í lækjum margfaldast. Opnanir í Blöndu hafa ekki gefið mikið af sér síðustu ár og á því varð ekki breyting að þessu sinni.Meira -
„Erum ennþá að móta okkur í deildinni“
feykir.is Skagafjörður, Íþróttir, Lokað efni 05.06.2025 kl. 18.51„Sigurinn var virkilega sætur og skipti okkur miklu máli,“ segir Konráð Freyr Sigurðsson, Konni, þjálfari Tindastóls þegar Feykir spurði hann út í leikinn gegn Knattspyrnufélagi Fjallabyggðar sem var spilaður í gærkvöldi. Stólarnir unnu leikinn, gerðu sigurmarkið á 99. mínútu og nældu í dýrmætan sigur í kjölfar þriggja tapleikja.Meira
