Samstaða vill afnám verðtryggingar
Stjórn SAMSTÖÐU flokks lýðræðis og velferðar krefst þess að strax verði hafist handa við afnám verðtryggingar. Samhliða fari fram 20% leiðrétting á fasteignalánum til að varna því að fjölmörg heimili fari í þrot á næstu misserum vegna viðvarandi verðbólgu. Almenn niðurfærsla dregur úr útlánatapi banka og Íbúðalánasjóðs og eykur eftirspurn í samfélaginu.
Stjórn SAMSTÖÐU bendir á tvær leiðir til að fjármagna leiðréttinguna. Önnur felst í útgáfu skuldabréfs sem greitt verður niður með skatti á hagnað banka og hin í upptöku Nýkrónu á mismunandi gengi til að færa niður höfuðstól fasteignalána.
Leiðrétting verðtryggðra fasteignalána er ekki gjöf heldur niðurfærsla á tapi skuldsettra heimila vegna óvænts verðbólguskots! Almenn leiðrétting getur ekki kallast tap fjármagnseigenda þar sem hún felur í sér niðurfærslu á ofreiknaðri hækkun á verðmæti eigna þeirra.
Skuldsett heimili geta ekki tekið að sér að fjármagna skuldbindingar lífeyrissjóða. Hætta verður skattlagningu á útgreiðslur úr lífeyrissjóðum og taka upp skatt á inngreiðslur til að fjármagna m.a. lífeyri úr almannatryggingakerfinu sem dugar til framfærslu.
Rannsóknir sýna að sértæk velferðarúrræði eru óvinsæl og ná yfirleitt ekki markmiði sínu. Skv. mati Seðlabankans nutu þeir tekjuháu í meira mæli góðs af sértækri vaxtagreiðslu og 110% leiðinni. Áhrifaríkustu og vinsælustu úrræðin eru fjölþætt úrræði, þ.e. blanda af almennum og sértækum úrræðum.
Stjórn SAMSTÖÐU telur að skuldavandinn verði ekki leystur nema gripið verði til almennrar leiðréttingar til viðbótar við sértæk úrræði ríkisstjórnarinnar sem eru tímafrek og dýr.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
