Samvinna um stúlknamótin á Sauðárkróki og Siglufirði
Knattspyrnufélag Tindastóls og KF í Fjallabyggð hafa sameinað krafta sína í mótshaldi fyrir 5. flokk kvenna í knattspyrnu og munu framvegis halda mót fyrir flokkinn til skiptis, í stað þess að bæði félögin séu með mót í þessum aldursflokki á hverju ári, segir á vef Morgunblaðsins.
Á Lummudögum í Skagafirði hefur Tindastóll haldið Landsbankamót fyrir stúlkur í 7.-5. flokki og KF verið með árlegt Pæjumót Sparisjóðsins og Rauðku um miðjan ágúst fyrir sömu flokka.
Í fréttatilkynningu frá mótsstjórn sem mbl.is birti í gær kemur fram að þátttaka stúlkna í 5. flokki á mótunum tveimur hafi dregist saman, m.a. vegna Íslandsmóts 5. flokks og meira framboðs af knattspyrnumótum fyrir 5. flokk.
- Í stað þess að keppast um skráningu liða í 5. flokki kvenna á mótin tvö hafa Landsbankamót Tindastóls og Pæjumót Sparisjóðsins og Rauðku á Siglufirði ákveðið að sameina krafta sína og halda 5. flokks keppni annað hvert ár, þ.e. 2014 á Sauðárkróki og 2015 á Siglufirði. Þetta er gert með hagsmuni þátttökuliða í huga og að gera 5. flokks keppni á mótunum meira spennandi og aðlaðandi fyrir þátttökufélögin, segir í tilkynningunni.
Í ár verður keppni fyrir stúlkur í 5. flokki á Sauðárkróki dagana 28.-29. júní, en Pæjumótið á Siglufirði fyrir stúlkur í 8.-6. flokki.
Hér má sjá nánari upplýsingar um Landsbankamótið, dagskrá og skráningu á mótið.
Fleiri fréttir
-
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira -
Krakkarnir brillera en reiknimeistarar klúðra
feykir.is Hr. Hundfúll 27.05.2025 kl. 13.50Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...Meira -
Allir með
feykir.is Skagafjörður, Austur-Húnavatnssýsla, Íþróttir, Aðsendar greinar 27.05.2025 kl. 13.26UMSS, Svæðisstöðvar íþróttahéraða og Íþróttasamband fatlaðra (ÍF) boða til vinnustofu fyrir forsjáraðila, íþróttaþjálfara, starfsfólk skóla og áhugafólk um íþróttir. Á vinnustofunni ætlum við að ræða hvernig við getum komið af stað skipulögðum æfingum eða komið fötluðum og þeim sem finna sig ekki í almennum íþróttum betur inn í það íþróttastarf sem er nú þegar í boði í Skagafirði.Meira -
Magga Steina vígð til djákna í Hóladómkirkju
feykir.is Skagafjörður, Mannlíf, Lokað efni 27.05.2025 kl. 13.05Það var merkur dagur á sunnudaginn þegar Margrét Steinunn Guðjónsdóttir var vígð til djákna í Reykjavíkurprófastdæmi vegna starfa sinna á Löngumýri við orlof eldri borgara. Í fallegri afhöfn í Hóladómkirkju, sem sr. Gísli Gunnarsson vígslubiskup leiddi, voru þjónandi prestar í Skagafirði, Anna Hulda djákni og fleiri sem tóku þátt, en sr. Bryndís Malla prófastur í Reykjavíkurprófasdæmi lýsti vígslunni.Meira
