Sérfræðingur ráðinn til starfa hjá Þekkingarsetrinu
Þekkingarsetrið á Blönduósi hefur ráðið Jóhönnu E. Pálmadóttur í 50% starf í þrjá mánuði vegna uppbyggingar á listamiðstöð („residency“) fyrir textíllistamenn í Kvennaskólanum. Markmiðið með ráðningu Jóhönnu E. Pálmadóttur er að gera textíllistina sýnilegri með uppbygginu listamiðstöðvar í textíl og efla samstarf viðkomandi stofnana á svæðinu, segir á heimasíðu Þekkingarsetursins.
Í nokkur ár hefur verið starfandi vísir að listamiðstöð á textílsviði á Blönduósi á vegum Textílseturs Íslands. Verkefnið hefur þó aldrei komist mikið lengra en á byrjunarreit, samkvæmt frétt á síðu Þekkingarsetursins en setrið ákvað að taka þátt í frekari uppbyggingu verkefnisins. Hlutverk Þekkingarsetursins er samkvæmt samþykktum m.a. að hafa frumkvæði að rannsókna- og þjónustuverkefnum á sérsviðum setursins sem eru textíll, strandmenning og laxfiskar.
„Listmiðstöðvar eru reknar með góðum árangri víða um heim en stofnanir sem þessar bjóða listafólki á ýmsum sviðum upp á starfs- og gistiaðstöðu og einnig eru þær mikilvægur vettvangur umræðu og menningar.Rekstur alþjóðlegu listamiðstöðvarinnar NES á Skagaströnd hefur gengið mjög vel. Margir erlendir listamenn hafa dvalið þar og kynnst sveitarfélaginu sem hefur einnig orðið góð landkynning fyrir norðvesturhluta Íslands,“ segir á heimasíðunni.
Listamiðstöðin verður markaðssett og auglýst bæði innanlands og utan en stefnt er að því að undirbúningi muni ljúka fyrir sumarið.
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
