Sex nýsköpunarverkefni frá Norðurlandi vestra fengu styrk úr Lóu
Á heimasíðu Stjórnarráðsins segir að tilkynnt hefur verið um úthlutanir úr Lóu - nýsköpunarstyrki fyrir landsbyggðina. Í ár hljóta 27 verkefni styrk alls fyrir tæplega 139 milljónir króna. Nýsköpunarverkefnin sem hljóta styrk að þessu sinni eru jafn fjölbreytt og þau eru mörg og dreifast um landið allt. Styrkjum úr Lóu er ætlað að styðja við eflingu byggða og landshluta með nýskapandi verkefnum, auk þess að hlúa að vistkerfi nýsköpunar á landsbyggðinni.
Alls bárust 89 umsóknir á fjölbreyttum sviðum, frá nýskapandi verkefnum með sjálfbærni og fullnýtingu afurða að leiðarljósi til uppbyggingu innviða fyrir rannsóknir og þróun og innleiðingu nýrra aðferða og verkfæra fyrir nýsköpunarumhverfið.
Lóa - nýsköpunarstyrkir fyrir landsbyggðina 2024 voru auglýstir 20. febrúar sl. og var umsóknarfrestur til og með 4. apríl. Matsnefnd fór yfir allar umsóknir og gerði í kjölfarið tillögur um styrkveitingu til háskóla-, iðnaðar- og nýsköpunarráðherra. Í matsnefnd Lóu árið 2024 sátu Eva Hrund Einarsdóttir, framkvæmdarstjóri MAk (Menningarfélags Akureyrar), Tryggvi Hjaltason, formaður Hugverkaráðs og Sesselja Vilhjálmsdóttir framkvæmdastjóri Tagplay.
Þau verkefni sem hlutu styrk frá Norðurlandi vestra í ár voru eftirfarandi:
Elínborg Erla Ásgeirsdóttir - 3.090.000 kr. Valhumall, lífræn ræktun og framleiðsla. Verkefnið gengur út á að hagnýta valhumal sem hráefni í lífrænt vottaða matvælaframleiðslu.
1238 Baráttan um Ísland - 6.000.000 kr. - Byggð á Blönduósi - Verkefnið felst í hönnun og þróun á sýndarveruleikaupplifun sem miðlar sögu íbúabyggðar á Blönduósi árið 1900 annars vegar og 1958 hins vegar. Verkefnið er næsta skref í vegferð sem þegar er hafin með gerð stafrænna þrívíddarmódela á byggð á Blönduósi á þessum árum.
Alor ehf. - 3.100.000 kr. - Birtuorka bænda - Settur verður upp birtuorkubúnaður á fjórum býlum í því skyni að öðlast reynslu af virkjun og geymslu birtuorku og fá rauntölur framleiðslu á bónda á svæðinu. Kerfin verða sett upp á býlum í mismunandi búrekstri og munu niðurstöðurnar veita dýrmæta innsýn í fýsileika reksturs slíkra kerfa eftir búrekstri.
Pareto lausnir ehf. - 5.922.000 kr - Vasareiknir - Vasareiknir verður notendavænn og sveigjanlegur hugbúnaður hannaður til að hjálpa einstaklingum, aðilum vinnumarkaðarins, stjórnmálafólki og sérfræðingum að meta áhrif skatta- og bótakerfa á ráðstöfunartekjur. Með Vasareikni verður hægt að kanna áhrif breytinga eða nýjunga sem hafa áhrif á ráðstöfunartekjur og taka betri ákvarðanir við kjarasamningaborðið, í þingsal eða við eldhúsborðið.
Hátæknisetur Íslands - 4.140.000 kr. - Sægarðar á Sauðárkróki - Nýsköpunarverkefnið Sægarðar á Sauðárkróki gengur út á að skipuleggja sérhæfða iðngarða þar sem einstakar aðstæður skapast til stuðnings við nýsköpun fyrirtækja og frumkvöðla á sviði sjálfbærs lagareldis og ræktar. Hjarta garðanna er starfsemi Háskólans á Hólum sem snýr að námi og rannsóknum á sjálfbæru lagareldi og rækt.
Textílmiðstöð Íslands - 3.000.000 kr. - Íslenski textílklasinn - þverfaglegt samstarf um eflingu textílframleiðslu á Íslandi - Með Íslenska textílklasanum er markmiðið að efla textílframleiðslu á Íslandi með auknu samstarfi og nýsköpun. Stefnt er að eflingu verðmætasköpunar sem byggir á hugviti, stafrænni tækni og að leiða saman hefðbundnar aðferðir og nýja tækni með áherslu á hringrásarhagkerfið.
Hér er hægt að sjá listann með öllum þeim verkefnum sem hlutu styrk úr Lóu - nýsköpunarstyrkir fyrir landsbyggðina 2024
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.