Skipulagt rafmagnsleysi í Húnabyggð og á Skagaströnd
Á heimasíðunni huni.is segir að vegna vinnu við stækkun spenna í aðveitustöðinni á Laxárvatni og vegna aðgerða til styrkingar á dreifikerfi Rarik verður rafmagnslaust í stórum hluta Húnabyggðar og á Skagaströnd í næstu viku:
- Mánudaginn 1. september frá kl. 05:00 til 07:00
- Fimmtudaginn 4. september frá kl. 23:00 til kl. 05:00 að morgni 5. september.
Stækkun spenna er stór aðgerð sem tekur nokkra daga að ljúka. Meðan á stækkuninni stendur mun Húnabyggð fá rafmagn frá Hrútatungu um 19kV kerfi frá 1.-4. september. Skagaströnd og Skagabyggð verða tengd við 11kV kerfi okkar frá Laxárvatni auk varaaflsvélar til að anna álagstoppum þessa sömu daga. Rarik biðst velvirðingar á þeim óþægindum sem þetta kann að valda og vonar að íbúar á svæðinu sýni aðgerðunum skilning og aðstoði við að láta fleiri vita svo öll geti gert viðeigandi ráðstafanir.
Stækkun spenna og styrking dreifikerfisins er liður í því að auka afhendingargetu Rarik og afhendingaröryggi á svæðinu. Eftir stækkunina mun afhendingargeta frá aðveitustöðinni á Laxárvatni aukast úr 3,5 MW í um 6,5MW. Nýr jarðstrengur fyrir Skagaströnd og Skagabyggð verður tengdur í þessum aðgerðum og kemur hann í stað gömlu Skagastrandarlínunnar. Einnig bætist við 11kV strengur inn á Blönduós en hann var boraður undir ána Blöndu nú í sumar.
Upplýsingar um leiðir til að draga úr líkum á tjóni frá rafmagni vegna, t.d. þegar rafmagn fer af (hvort sem um er að ræða skipulagt eða fyrirvaralaust rafmagnsleysi) má finna hér: https://www.rarik.is/spurt-og-svarad/spurt-og-svarad/til-ad-draga-ur-likum-a-tjoni-fra-rafmagni
Fleiri fréttir
-
Sinfó stuð í sundi
feykir.is Skagafjörður, Austur-Húnavatnssýsla, Lokað efni 28.08.2025 kl. 15.35Feykir sagði frá því fyrr í vikunni að framundan væri skemmtilegur viðburður en það er Sinfó í sundi. Tilefnið er 75 ára afmæli Sinfóníuhljómsveitar Íslands. Skagafjörður og Blönduós taka þátt í viðburðinum og verður tónleikunum útvarpað í sundlaugunum á Sauðárkróki, Varmahlíð og Blönduósi.Meira -
Verja megninu af ferðalaginu á Norðurlandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.08.2025 kl. 12.30Erlendir ferðamenn sem koma með beinu flugi til Akureyrar fara meira um landshlutann Norðurland en aðra landshluta og þannig skapar beina flugið raunverulega viðbót við þann fjölda sem heimsækir landshlutann, þetta kemur fram í fréttatilkynning frá Markaðsstofu Norðurlands.Meira -
Fjölbreytt dagskrá hjá Fornverkaskólanum á næstu vikum
feykir.is Skagafjörður, Lokað efni 28.08.2025 kl. 11.50Óhætt er að segja að það verði nóg um að vera hjá Fornverkaskólanum nú síðsumars en á döfinni eru þrjú námskeið í hefðbundnu byggingarhandverki og málþing um torfarfinn. Fornverkaskólinn er verkefni á vegum Byggðasafns Skagfirðinga sem hefur það að markmiði að miðla fróðleik og halda utan um námskeið í hefðbundnu byggingarhandverki.Meira -
Stuðningsmenn Tindastóls mætt til Póllands
feykir.is Skagafjörður, Íþróttir 28.08.2025 kl. 11.34Þegar blaðamaður Feykis hnýtur um stuðningsmenn Tindastóls á ljósmynd inná karfan.is, þar sem okkar fólk er farið utan til að styðja Íslenska landsliðið í körfubolta þá verður að setja inn frétt. Ísland hefur leik í dag á lokamóti EuroBasket 2025 þegar það leikur gegn Ísrael og hefst leikurinn kl. 12:00 að íslenskum tíma í dag fimmtudaginn 28. ágúst.Meira
