Sameiningartillagan var felld
Síðustu rúmu tvær vikurnar hefur staðið yfir kosning um sameiningu Dalabyggðar og Húnaþings vestra, Síðasti kjördagur var í dag og liggja niðurstöður fyrir. Sameiningu var hafnað í báðum sveitarfélögunum.
Í rilkynningu frá sameiginlegri kjörstjórn Dalabyggðar og Húnaþings vestra segir: „Í Dalabyggð voru 541 íbúar á kjörskrá. 326 kjósendur greiddu atkvæði. Já sögðu 125 (38,34%) og nei sögðu 196 (60,12%). Auðir og ógildir seðlar voru 5 (1,54%). Sameiningu var því hafnað.
Í Húnaþingi vestra voru 981 íbúar á kjörskrá. 607 kjósendur greiddu atkvæði. Já sögðu 147 (24,2%) og nei sögðu 448 (73,8%). Auðir og ógildir seðlar voru 12. Sameiningu var því hafnað.
Skv. 21. gr. reglugerðar nr. 922/2023, um íbúakosningar sveitarfélaga skulu kærur um ólögmæti íbúakosningar sendar ráðuneyti sveitarstjórnarmála til úrlausnar innan sjö daga frá því að lýst var úrslitum kosninga. Þ.e. í síðasta lagi laugardaginn 20. desember 2025.“
Síðastliðinn mánudag var sagt frá því að kosningaþátttaka í báðum sveitarfélögum væri um 11% og það má segja að íbúar beggja sveitarfélaga hafi gengið í takt varðandi þátttöku því kjörsókn var um 61 og 62% þegar kjörstöðum var lokað í dag. Íbúarnir voru sömuleiðis í takti varðandi áhugann á sameiningu en ljóst er að ekkert verður af sameiningu að sinni.
Fleiri fréttir
-
Væri til í útitónleika með Billie Eilish á Svalbarða | ANNA KRISTÍN
feykir.is Austur-Húnavatnssýsla, Tón-Lystin, Lokað efni 13.12.2025 kl. 11.00Hún er alin upp á Brandsstöðum í Blöndudal, dóttir Jóhönnu Helgu frá Móbergi í Langadal og Brynjólfs frá Austurhlíð í Blöndudal. Hún er fædd árið 1996 býr á Brekkunni á Blönduósi með sínum ekta manni Gunnari Inga Jósepssyni og heitir Anna Kristín Brynjólfsdóttir. Aðal hljóðfæri Önnu er röddin, segist vera sígólandi en á engu að síður að baki níu ára nám á píanó og notar þetta tvennt yfirleitt saman.Meira -
Okkur þykir mjög vænt um Bifröst
feykir.is Skagafjörður, Mannlíf, Lokað efni 13.12.2025 kl. 10.10Það verða tímamót í félagsheimilinu Bifröst um áramótin en þá stinga húsverðirnir góðu, Bára Jónsdóttir og Sigurbjörn Björnsson, kannski best þekkt sem Bára og Sibbi, bónkústinum inn í skáp og skella í lás í síðasta skipti. Ekki stendur þó til að loka 100 ára gömlu húsinu og hefur staðan verið auglýst laus til umsóknar hjá sveitarfélaginu Skagafirði. En af þessu tilefni ákvað Feykir að leggja nokkrar spurningar fyrir Báru og Sibba en enn meiri umfjöllun verður um Bifröst í síðasta Feyki ársins sem kemur út eftir viku.Meira -
Kom aftur til að athuga hvort hann myndi lifa af heilan vetur
feykir.is Skagafjörður, Lokað efni 13.12.2025 kl. 09.00Joachim B. Schmidt er höfundur nýútkominnar bókar sem ber það virðulega nafn Ósmann. Þetta er ekki bara einhver Ósmann heldur Ósmann okkar Skagfirðinga. Joachim hefur nú skrifað sögu Ósmanns í formi skáldsögunnar. Feykir hafði samband við Joachim og spjallaði aðeins við höfundinn um upprunann, lífið og skáldskapinn.Meira -
Stólarnir í hátíðarskapi á Álftanesinu
feykir.is Skagafjörður, Íþróttir, Lokað efni 13.12.2025 kl. 03.23Tindastólsmenn voru enn í fluggírnum þegar þeir mættu á Áltanesið í gærkvöldi þar sem beið þeirra banhungrað lið Álftnesinga sem höfðu tapað þremur leikjum þar á undan. Þeir höfðu haft góðan tíma til að skerpa á leik sínum og leggja á ráðin hvernig v...Meira
