Skólahald á Norðurlandi vestra í dag
Á vef Svf. Skagafjarðar kemur fram að hefðbundið skólahald verði í Árskóla á Sauðárkróki í dag en Grunnskólinn austan Vatna og Varmahlíðarskóli verða lokaðir. Leikskólinn Ársalir verður opinn en Tröllaborg og Birkilundir lokaðir. Þannig að allt skólahald í Skagafirði fellur niður í dag nema á Sauðárkróki.
Allt skólahald í Grunnskóla Húnaþings vestra, skólaakstur og frístund, verður fellt niður vegna veðurspár. Nemendur og starfsfólk er hvatt til að vera ekki á ferli fyrr en veður lægir. Skólinn opnar aftur miðvikudagsmorguninn 9. desember.
Sömu söguna era að segja með Leikskólann Ásgarð, athugað verður með stöðuna á veðurspá fyrir hádegi í dag og þá metið hvort leikskólinn verði opnaður eftir hádegi eða frá klukkan eitt. Foreldrar leikskólabarna eru vinsamlega beðin um að fylgjast með tölvupósti milli 11.00 og 12.00.
Skólahald fellur niður í Húnavallaskóla, bæði í grunn- og leikskóla, vegna slæmrar veðurspár.
Í tilkynningu frá Höfðaskóla á Skagaströnd segir forráðamenn meti hvort þeir sendi börn sín í skóla. Komi til lokunar skóla, verður sendur póstur og sms til allra.
Skólahald verður með hefðbundnum hætti í Blönduskóla á Blönduósi.
Fleiri fréttir
-
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira
