Sláturhús SKVH á Hvammstanga fær leyfi til að slátra kanínum
Matvælastofnun Íslands, MAST, hefur nýlega veitt sláturhúsinu SKVH á Hvammstangi leyfi til kanínuslátrunar. „Þetta er besta jólagjöfin sem ég get hugsað mér“, segir Birgit Kositzke, kanínubóndi á Hvammstanga. Slátursleyfið er undirstaða innkomu kanínukjöts á markaðinn. Í haust hefur hún flutt starfsemina sína frá Tjarnarkoti að Syðra Kárastöðum á Vatnsnesi og una kanínurnar sínum hag vel. En vegna langvarandi óvissu í sláturmálum var dregið verulega úr stofnstærð og hógvær stefna í fjölgun kanína hefur verið ríkjandi.
Á meðan beðið var eftir leyfinu hefur Birgit ekki setið auðum höndum. Kanínuskinn hafa verið unnin á mismunandi hátt – sem feldur og einnig sem leður, og lofa þessar tilraunir afar góðu. Þess er væntanlega ekki langt að bíða að handverksfólkið á svæðinu fái nýtt og skemmtilegt hráefni, og að sælkerar fái aðgang að nýrri tegund kjöts.
Til gamans er hér uppskrift um matreiðslu kanínukjöts. Hún er með evrópskum keim og hefur sannað sig í veislu sem þó hefur ekki verið haldin á vegum Kanínu ehf. ...
Kanína í sinnepssósu. (fyrir fjóra).
Meðlæti: sykurlaus kartöflumús eða hrísgrjón, salat.
1. skref:
- 1 stór kanína í bitum. Hreinsa alla sýnilega fitu frá.
- salt, pipar úr kvörninni
- 2 msk. Dijon sinnep
- ólívuolía
Nudda kanínukjötið upp úr sinnepi. Ekki nota of mikið af sinnepi, annars brennur það við. Hita ofninn á 180° C. Steikja kjötið á stórri pönnu í olíunni til að loka kjötið. Setja kjötið svo í ofnpott.
2. næsta skref:
- 4 laukar, gróflega hakkaðir
- 6 sneiðar beikon í bitum
- 4 msk. hveiti
- 3 bollar kjúklingasjóð
- 1,5 bolli hvítvín
Handafylli af fersku garðablóðbergi (hægt er að skipta blóðberginu út fyrir Fáfnisgras (Estragon), en með þessu móti verður rétturinn verulega „franskur“ ...)
- 1 bolli rjóma
- 2 msk. Dijon sinnep
- blóðberg til skreytingar
Steikja laukinn og beikonið á sömu pönnunni og kanínukjötið hefur verið steikt í, ekki skola á milli. Ekki þarf að steikja lengi. Strá hveitið yfir, hræra vel, setja hvítvínið út í, hræra meira, og bæta svo kjúklingasoðinu og blóðberginu við. Hella sósunni yfir kjötið í pottinum, setja lok yfir og láta bakast í ofninum í um 80 – 90 mín.
Hræra sinnep og rjóma saman og hella í pottinn. Setja pottinn á eldavélahellu, láta suðan koma upp aftur og smakka til með salt, sinnepi og pipar.
Verði ykkur að góðu!
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
