Smásögur óskast í Nokkur lauf að norðan III
Töfrakonur hafa ákveðið að fyrir næstu jól komi út smásagnasafn sem ber heitið Nokkur lauf að norðan III. Eins og áður höfum við hugsað okkur að höfundar eða sögurnar tengist á einhvern hátt hér norður. Höfundar geta átt rætur hér eða búsetu, hugmyndir komið héðan að norðan eða sögur gerst á norðurlandinu að hluta eða í heild. Að öðru er leyti frelsi með efnisval og lengd en æskilegt er þó að halda lengdinni innan eðlilegra marka.
Síðastliðin tvö ár höfum við gefið út smásagnasöfn undir nöfnunum Nokkur lauf að norðan og Nokkur lauf að norðan II. Nú er hugmyndin að ljúka þessum smásögu þríleik og gefa út Nokkur lauf að norðan III og er það einlæg von okkar að vel takist til og hún innihaldi enn fleiri sögur og höfunda en hinar fyrri.
Töfrakonur skora á ykkur að setjast niður og skrifa smásögur og senda okkur, helst sem fyrst. Við höfum hugsað okkur að allra síðasti skiladagur væri 15. maí og þá verður hafist handa að velja sögur, prófarkalesa og setja saman. Við vonumst til að þið hjálpið okkur að klára þetta verkefni okkar sem vonandi verður til þess að smásögurnar geymist vel og séu lesnar. Við erum afar þakklátar fyrir viðbrögð og stuðning við hinar fyrri bækur og biðlum til ykkar nú enn á ný. Með fyrirfram þökk frá okkur Töfrakonum.
Vinsamlegast sendið á eitthvað af eftirtöldum netföngum. Birgitta: langamyri@emax.is - Jóhanna: brandsstadir@emax.is - Þuríður: tury.moa@simnet.is . Vanti frekari upplýsingar er hægt að skrifa á þessi netföng eða hringja í síma 4527119 hjá Birgittu, 4527140 hjá Jóhönnu og 5535218 hjá Þuríði.
Góða skemmtun og gangi ykkur vel.
/ Orðsending frá Töfrakonum/Magic Women ehf.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
