Snjólaug bætti Íslandsmet sitt
Feyki berast reglulega fréttatilkynningar frá því öfluga félagi Markviss á Blönduósi. Er það ætíð vel þegið þegar einstaklingar, fyrirtæki og félög láta vita af því sem um er að vera á svæðinu, því að þrátt fyrir góðan vilja ná blaðamenn aldrei að fylgjast með því öllu.
Um síðustu helgi fór fram Norðurlandsmót í leirdúfuskotfimi á Blönduósi. Þrátt fyrir fámenni tókst mótið vel og komu keppendur frá fimm félögum. Skor keppenda á mótinu var í lægri kantinum ef undan eru skilin þau Snjólaug M. Jónsdóttir, formaður Markviss, sem bætti Íslandsmet sitt í kvennaflokki um heilar fimm dúfur og unglingurinn Sigurður Unnar Hauksson frá Húsavík sem var langefstur eftir undankeppnina.
Guðlaugur Bragi Magnússon frá Skotfélagi Akureyrar varð hlutskarpastur eftir sigur í bráðabana gegn Sigurði Unnari frá Skotfélagi Húsavíkur, þriðji varð Guðmann Jónasson Skotfélaginu Markviss eftir sigur í bráðabana gegn Sigurði Áka Sigurðssyni Skotfélagi Akureyrar.
Skotfélagið Markviss var eina félagið sem sendi lið í liðakeppnina að þessu sinni og var því auðunninn sigur þar, að auki vann Sverrir Snær Ingimarsson sigur í byrjendaflokki og eins og áður kom fram setti Snjólaug M. Jónsdóttir Íslandsmet í kvennaflokki.
Nú eru aðeins tvö mót eftir á mótaskrá Skotíþróttasambands Íslands, Reykjavík OPEN í lok ágúst og Bikarmeistaramót í Hafnarfirði 7-8 september, en þar munu keppendur Skotfélagið Markviss standa í ströngu en Snjólaug María er efst að stigum í kvennaflokki og Guðmann Jónasson er í öðru sæti í karlaflokk, því eru allnokkrar líkur á að annar ef ekki báðir bikarmeistaratitlarnir geti náðst á Blönduós ef vel gengur á bikarmótinu.
Fleiri fréttir
-
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira
