Stólarnir fengu á baukinn í rennblautri Víkinni
Tindastóll og Víkingur áttust við í kvöld á rennblautum velli í Víkinni. Heimamenn komust yfir strax á fyrstu mínútu og eftir það var róðurinn Stólunum erfiður. Þrátt fyrir að eiga nokkur góð færi náðu Tindastólsmenn ekki að skora í leiknum en það gerðu Víkingar fimm sinnum en þetta var hinsvegar fyrsta stóra tap Stólanna í 1. deildinni í sumar.
Hjörtur Júlíus Hjartarson kom Víkingum í 1-0 með marki á fyrstu mínútu og á næstu 15 mínútum hefði hann getað bætt við tveimur mörkum til viðbótar. Leikurinn var fjörugur á rennblautum vellinum og Stólarnir fengu fínt færi eftir 20 mínútna leik en Beattie skaut framhjá eftir sendingu frá Arnari Sig. Stuttu síðar fékk Max Touloute færi en klikkaði. Sigurður Egill Lárusson gerði annað mark Víkinga á 28. mínútu og höfðu aðstæður á vellinum talsverð áhrif á skopp boltans þannig að Seb Furness kom ekki vörnum við. Bæði lið fengu færi fyrir hlé en staðan 2-0 í hálfleik.
Heimamönnum gekk betur að skapa sér færi í upphafi síðari hálfleiks. Þeir gerðu út um leikinn um miðjan hálfleikinn en þá skoruðu þeir þrjú mörk á 10 mínútum. Á 57. mínútu skaut Kjartan Dige Baldursson boltanum í leikmann Tindastóls eftir hornspyrnu og þaðan skaust boltinn í þverslána og inn. Fimm mínútum síðar komst Aaron Spear inn fyrir vörn Tindastóls og skoraði af öryggi. Það var síðan Hjörtur Júlíus sem gerði fimmta mark heimamanna þegar hann skallaði sendingu frá Aaron Spear í þverslána og inn. Tindastólsmenn komust næst því að skora þegar Steven Beattie tók aukaspyrnu langt úti á velli þegar skammt var eftir af leiknum en setti boltann í skeytin og lokatölur því 5-0.
Þetta er fyrsta stóra tap Stólanna í sumar og kannski margir hissa á að það hafi ekki komið fyrr, en Tindastólsmönnum var fyrir mót spáð afleitu gengi. Nú er bara að girða sig í brók í einum laufgrænum hvelli og mæta grimmir í næsta leik. Leikmenn geta huggað sig við að þau þrjú lið sem eru fyrir neðan Stólana í deildinni töpuðu öll í kvöld. Nú á laugardaginn koma Fjölnismenn í heimsókn og á þriðjudag sækja Stólarnir Þór Akureyri heim. Áfram Tindastóll!
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
