Stormviðvörun í dag með 15-23 m/s
Veðurstofa Íslands varar við stormi NV-til á landinu í dag með meðalvindhraða meiri en 20 m/s, en víða um land í kvöld og á morgun. Í dag verður norðan og norðaustan 15-23 m/s, hvassast vestan til. Lengst af snjókoma og frost 0 til 4 stig.
Á heimasíðu Vegagerðarinnar segir að annars staðar en á Vestfjörðum, Ströndum og í Dölum fer veður heldur skánandi nú fyrir hádegi. Fer aftur ört versnandi um og upp úr miðjum degi með mikilli veðurhæð og vaxandi ofanhríð um allt norðan- og austanvert landið með skafrenningi og afar litlu skyggni.
Færð á Norðurlandi vestra um kl. 9 þann 31. október 2012.
Í Húnavatnssýslum eru hálkublettir víðast hvar en greiðfært á Vatnsnesinu og hált vestan til á Skaganum. Hált er yfir Vatnsskarðið og frá Varmahlíð til Sauðárkróks. Krapi eða snjór er frá Sauðárkróki til Hofsóss, í Hegranesinu og Blönduhlíð. Hált er í Fljótunum en greiðfært austan til á Skaganum og fram í Lýtingsstaðahrepp.
Veðurhorfur á landinu næstu daga
Á föstudag:
Norðan 18-25 m/s og snjókoma, en úrkomulítið S-lands. Mjög snarpir vindstrengir við fjöll. Frost 0 til 5 stig.
Á laugardag:
Norðan 15-23 m/s og snjókoma, en bjartviðri S-lands. Lægir V-til um kvöldið og styttir upp. Áfram kalt í veðri.
Á sunnudag:
Norðvestan 13-18 m/s A-lands framan af degi og él, en annars 8-13 og léttskýjað. Frost 0 til 10 stig, mest inn til landsins.
Á mánudag og þriðjudag:
Útlit fyrir suðvestanátt með rigningu S- og V-lands, en annars úrkomulítið. Hlýnar í veðri.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlega tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
