Styrktartónleikar fyrir Matthildi
Tónleikar til styrktar Matthildi Haraldsdóttur verða haldnir í Dómkirkjunni í Reykjavík í dag, fimmtudaginn 9. ágúst kl. 20. Matthildur fæddist í desember 2009 í Salzburg í Austurríki en nokkrum klukkustundum eftir fæðingu kom í ljós að hún er með afar sjaldgæfan og flókinn hjartagalla og hefur hún þurft að gangast undir margar erfiðar hjartaaðgerðir á sinni stuttu ævi, nú síðast í júlí og ágúst.
Á styrktarsíðu fyrir Matthildi á Facebook segir að Matthildur hafi tekið hæg framfararskref undanfarna daga eftir hjartaaðgerð sem hún fór í 3. ágúst sl. Hún er nú undir stöðugu eftirliti lækna eftir átök síðustu vikna og ljóst er að bataferlið getur tekið langan tíma.
Foreldrar Matthildar, tónlistarfólkið Harpa Þorvaldsdóttir og Haraldur Ægir Guðmundsson, dvelja nú hjá Matthildi á Herzzentrum sjúkrahúsinu í München en ekki er vitað hversu lengi þau munu koma til með að þurfa að dvelja þar.
Haraldur starfar sem kontrabassaleikari og húsamálari og Harpa er nýútskrifuð úr Mozarteum tónlistarháskólanum í Salzburg. Saman eiga þau einnig dótturina Halldóru Björgu sem er 8 ára.
Vinir hjónanna efna til styrktartónleikanna til þess að styðja við bakið á ungu fjölskyldunni á þessum erfiðu tímum. Flytjendurnir koma úr mismunandi áttum tónlistarbransans og mega gestir því eiga von á skemmtilegri blöndu tónlistaratriða.
Miðaverð er miðað við 2.000 krónur en framlög eru að sjálfsögðu frjáls. Þeim sem sjá sér ekki fært um að mæta á tónleikana en vilja styðja við fjölskylduna, er bent á eftirfarandi reikningsnúmer.
Landsbanki Íslands
0159-05-403600
Kt:160580-5429
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
