Sveitarfélög fái arðinn af fiskveiðiauðlindinni
Mælt var fyrir frumvarpi Hreyfingarinnar um stjórn fiskveiða á Alþingi í gær. Markmið frumvarpsins er að breyta skipulagi fiskveiðistjórnunar og sölu sjávarafla. Þannig verði tryggð ríkari aðkoma sveitarfélaga að arðinum af aflaheimildum og stuðlað að eflingu sjávarbyggða.
Ef frumvarpið nær fram að ganga munu tekjur sveitarfélaga aukast verulega samkvæmt tilkynningu frá Hreyfingunni sem og að fari allur afli á markað mætti gera ráð fyrir að leiguverð muni lækka um allt að helming. „Ef miðað er við helmingslækkun leiguverðs fyrir þorskígildistonn á markaði í dag, sem er í kringum 318 kr. per kg., en yrði 159 kr. per kg., myndu tekjur Akureyrarbæjar aukast um 3,7 milljarða, Ísafjarðarbæjar um 3,3 milljarða, Norðurþings um 1,5 milljarða, Reykjanesbæjar um 1,9 milljarða og Vestmannaeyja um 4,1 milljarða á ári.“
Með sömu útreikningum er hægt að finna tekjur sem sveitarféögin á Norðurlandi vestra myndu fá og lítur það svona út:
Húnaþing vestra: 135 milljónir ári.
Skagafjörður: 979 milljónir á ári.
Skagaströnd 829 milljónir á ári.
Blönduós: 343 milljónir á ári.
Ljóst má vera samkvæmt þessu að um gríðarlega hagsmuni er að ræða fyrir sjávarbyggðir um allt land þar sem frumvarpið gerir ráð fyrir að færa þeim aftur heimildir byggðar á veiðireynslu þeirra og að arðurinn af þeirri auðlind renni beint til sjávarbyggðanna.
Með frumvarpinu, segir í tilkynningu Hreyfingarinnar, er stefnt að því að hvert sveitarfélag á Íslandi fái forræði yfir veiðum á samsvarandi hluta nytjastofna á Íslandsmiðum og nemur samanlagðri aflahlutdeild þeirra fiskiskipa sem skráð voru í viðkomandi sveitarfélagi fyrir gildistöku laga um stjórn fiskveiða, nr. 38/1990, sem meðal annars fólu í sér heimild til kvótaframsals. Að auki stefnir frumvarpið að aðskilnaði veiða og vinnslu og fjárhagslegri endurskipulagningu þeirra útgerðarfyrirtækja á Íslandi sem hafa skuldsett sig vegna kvótakaupa. Loks stefna lögin að eflingu umhverfisvænna handfæraveiða en þess má geta að kolefnisspor veidds togaraþorsks er 5,15 kg. af koltvísýringsígildi en kolefnisspor línuveidds þorsks er aðeins 1,58 kg.
Frumvarpið má nálgast HÉR
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
