Það er bleytuveður í dag en þetta lagast
Hausttilboð Veðurstofunnar síðustu daga hefur að mestu verið rok og rigning, þokubakkar og þung ský. Ekki beinlínis uppörvandi tilboð og reikna má með að svipaða sögu verði að segja í dag og fram eftir morgnundeginum. En eins og skáldið góða, Helgi Bjöss, benti á í upphafi Covid-faraldursins, þá styttir alltaf upp og samkvæmt veðurspám þá má reikna með að einmitt það gerist seinni part miðvikudags, Sæmilegustu hlýindi og sólargeislar fá stærri rullu fram á sunnudag.
Það má að minnsta kosti lesa það út úr spákortunum að norðanáttin þurfi öðrum hnöppum að hneppa en að blása á okkur hér á Norðurlandi vestra. Það eru því suðlægar áttir væntanlegar og kannski full stór skammtur af þeim á fimmtudag. Þá er spáð allt að 14 stiga hita en vindi allt að 18 m/sek. Áfram hlýtt föstudag og laugardag og vindur töluvert hófstilltari.
Fleiri fréttir
-
Lögreglan er sátt við helgina
feykir.is Skagafjörður, Mannlíf, Lokað efni 28.09.2026 kl. 12.05Á Facebooksíðu Lögreglunnar á Norðvesturlandi má lesa þessa ánægjulegu færslu: „Laufskálaréttarballið, fjölmennasti dansleikur svæðisins ár hvert, var haldið í gærkvöldi. Þar koma jafnan saman hátt í 1.000 manns og því skiptir miklu máli að allir leggist á eitt um að skapa öruggt umhverfi.Meira -
Skagfirsk hlaupakona í landsliðinu
feykir.is Skagafjörður, Lokað efni 28.09.2026 kl. 11.20Íslenska landsliðið í bakgarðshlaupum hefur verið valið fyrir HM sem fer fram í næsta mánuði. Íslandsmethafinn Þorleifur Þorleifsson er í liðinu og einnig er þar að finna hlaupadrottninguna Mari Järsk. Fimmtán hlauparar munu hlaupa fyrir Íslands hönd á HM landsliða sem hefst þann 17. október næstkomandi í 74 löndum.Meira -
Sigurdís snýr heim með nýja plötu
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 28.09.2026 kl. 09.45Tónskáldið, píanóleikarinn og söngkonan Sigurdís Tryggvadóttir frá Ártúnum í Blöndudal snýr aftur á heimaslóðir með sína fyrstu plötu, Bergmál fjallanna. Sigurdís verður með þrenna útgáfutónleika á Norðvesturlandi af þessu tilefni. Hún hefur leikinn í Blönduóskirkju 31.okt. kl: 14. 1.nóv. verður hún í Hvammstangakirkju kl: 14. Tónleikaröðinni lýkur svo Miðgarði í Varmahlíð 4. nóv. og hefjast tónleikarnir kl. 20. Aðgangur er ókeypis. Tónleikarnir vara í klukkustund og boðið verður upp á vöfflukaffi að tónleikum loknum.Meira -
Risarnir frá Litháen lagðir í parket
feykir.is Skagafjörður, Íþróttir, Lokað efni 27.09.2026 kl. 18.58Tindastólsmenn gerðu sér lítið fyrir og lögðu lið BC Jonava í Litháen í dag þegar Stólarnir spiluðu annan leik sinn í ENBL-deildinni þetta tímabilið. Arnar þjálfari var ánægður með liðið sitt og benti á í samtali við Feyki að þarna hefðu Stólarnir verið að spila við risalið frá einni stærstu körfuboltaþjóð Evrópu. „Það er mjög stórt fyrir íslenskt lið að koma og vinna lið í efstu deild í Litháen,“ sagði Arnar og jaðraði við að hann væri pínu montinn. Leikurinn var lengstum jafn en okkar menn voru sterkari á endasprettinum og unnu leikinn 71-77.Meira
