Þarfagreina nám á Norðurlandi vestra
Á vef Þekkingarsetursins á Blönduósi er sagt frá því að setrið hafi farið af stað með þarfagreiningu náms á Norðurlandi vestra. Þarfagreiningin á að varpa ljósi á námsþarfir/námsóskir íbúa á Norðurlandi vestra og þannig vera leiðarvísir fyrir uppbyggingu fjar- og staðnáms á komandi árum.
Félagsvísindastofnun Háskóla Íslands vinnur greininguna sem samanstendur af rýnihópum, netkönnun og símakönnun. Verkefnið er viðamikið og mun skila haldgóðum upplýsingum til frekari uppbyggingar á svæðinu. Ekki er vitað til að könnun sem þessi hafi verið framkvæmd í öðrum landshlutum á jafn markvissan hátt og nú er verið að gera. Verkefninu stjórnar Gunnar Tr. Halldórsson.
Þekkingarsetrið myndaði samstarfshóp með Farskólanum-miðstöð símenntunar á Norðurlandi vestra og Vinnumarkaðsráði Norðurlands vestra við forvinnu verkefnisins. Markmiðið með starfshópnum var að fá fulltrúa úr fræðsluumhverfinu og atvinnulífinu til að fá meiri þekkingu inn í forvinnu greiningarinnar.
Er það von Þekkingarsetursins að þátttakendur taki vel á móti spyrlum Félagsvísindastofnunar.
Fleiri fréttir
-
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira
