„Þessi mynd er bara brot af risastórri aðgerð“
Fjöldi Skagfirðinga og Húnvetninga tók þátt í leit að rjúpnaskyttum á Snæfellsnesi, sem voru hætt komnar við erfiðar aðstæður þar um helgina. Gríðarlegt vatnsveður skall á, með miklu roki, og höfðust skytturnar við undir stórum steini aðfararnótt sunnudagsins.
Voru mennirnir ágætlega búnir skjólfatnaði en höfðu slökkt á farsímum sínum til að spara rafhlöðurnar, enda utan þjónustusvæðis. Rétt er að vekja athygli á því að hægt er að miða út síma í rúmlega 30 kílómetra radíus frá þyrlu, þrátt fyrir að þeir séu utan þjónustusvæðis, að því er fram kom í Kastljósviðtali við skytturnar og Þór Þorsteinsson, björgunarsveitarmann úr Borgarfirði.
Alls tóku ellefu Björgunarsveitarmenn frá svæði 9, Húnavatnssýslum og þrettán af svæði 10, Skagafirði, þátt í útkallinu. Einn þeirra var Elvar Már Jóhannsson, formaður Björgunarsveitarinnar Grettis á Hofsósi. Feykir hafði samband við Elvar Má og spurði hann fyrst út í sexhjólið sem notað var við aðgerðirnar. „Þetta er sexhjól sem er á beltabúnaði, það gjörbreytir verksviði hjólsins. Það er mun hærra en venjuleg hjól, af því það er á þessum beltum. Þetta hjálpaði mikið við að komast yfir ána og var liður í því að brúa ána,“ segir Elvar og bætir því við að áin hafi verið mun vatnsmeiri en myndir gefa til kynna.
Björgunarsveitin Grettir fékk útkall um klukkan 10 á sunnudagsmorgni og var lagt af stað frá Hofsósi milli kl 10:30 og 11 um morguninn og ekið beint í Kolgrafarfjörð á Snæfellsnesi. Þegar Grettismenn komu á vettvang var búið að finna mennina en átti eftir að koma þeim niður. „Það óx svo svakalega í ánni meðan við vorum þarna, vatnsveðrið var svo svakalegt,“ segir Elvar Már. Hann segir að í það heila hafi um 240 manns tekið þátt í aðgerðinni, við mjög erfiðar aðstæður. Veðrið hafi verið mun verra þar sem mennirnir fundust heldur en þar sem farið var yfir ána. „Þarna var hver leitarmaður mikilvægur, ekki síður en tækið,“ segir Elvar Már að lokum.
Fleiri fréttir
-
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira -
Súpuröltið sló rækilega í gegn á Hofsós heim
feykir.is Skagafjörður, Listir og menning, Mannlíf, Lokað efni 23.06.2025 kl. 15.03Það kom fram í viðtali vegna Hofsós heim í Feyki að gengið hefði verið frá pöntun á góðu veðri fyrir helgina. Það skilaði sér upp á tíu því veðursæld var allan tímann – aðeins hálftíma hellidemba á laugardagskvöldinu til að kæla gesti niður.Meira -
Fótboltastelpur voru í aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira -
Tveir bikarleikir á Sauðárkróksvelli í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira
