Þjónusta VÍS á Blönduósi á fleiri hendur
Um næstu mánaðarmót verða þau tímamót í starfsemi VÍS á Blönduósi að Skarphéðinn Ragnarsson þjónustustjóri lætur af störfum eftir að hafa veitt viðskiptavinum framúrskarandi þjónustu í tæpan aldarfjórðung. Við það færist þjónustan á fleiri hendur, eins og sagt er frá í dagskrárblaðinu Glugganum.
Í viðtali við Skarphéðinn í síðasta tölublaði Gluggans segir:
„Ég verð 68 ára í sumar og hef þá unnið ári lengur en alla jafna tíðkast hjá VÍS. Nú gefst meiri tími til að sinna öðrum hugðarefnum sem setið hafa á hakanum. Ég veit að mitt fólk fær sem fyrr fyrsta flokks þjónustu. Það má segja að hún færist á fleiri hendur hér núna. Góðvinur minn Sigurbjörn Bogason á Sauðárkróki og Helga Gígja Sigurðardóttir taka við keflinu og sinna hvers kyns erindum Húnvetninga. Gísli Arnór Pálsson sem er mörgum hér að góðu kunnur verður sem fyrr bændafulltrúi á svæðinu. Hann stendur fyrir 200 kinda búi og þekkir landbúnaðinn út og inn. Svo verða tveir Blönduósingar og einn Skagstrendingur til taks heima fyrir þegar á þarf að halda, þannig að við eigum á vísa að róa í heimabyggð,“ segir Skarphéðinn.
Þar vísar hann til Lárusar Jónssonar og Birgis Ingólfssonar á Blönduósi og Ólafs Bernódussonar á Skagaströnd. Birgir mun forskoða bílatjón á svæðinu en Lárus og Ólafur sinna öðrum eignatjónum og áhættuskoðun húseigna.
Magnús Jónsson umdæmisstjóri VÍS á Norðurlandi segir í viðtali í Glugganum kapp lagt á að þjónustan verði áfram snurðulaus þótt Skarphéðinn láti af störfum. „Sexmenningarnir sem að ofan er getið munu leggja sitt af mörkum til að svo verði sem og allir aðrir VÍS-arar. Fyrir hönd VÍS vil ég jafnframt þakka Skarphéðni kærlega fyrir gott samstarf og við óskum honum velfarnaðar í framtíðinni.“
Sigurbjörn tekur undir árnaðaróskirnar með Magnúsi og hlakkar til samstarfsins við Húnvetninga. „Við þekkjum nokkuð vel til í Húnavatnssýslum og hlökkum til að þjóna heimamönnum hér af sömu alúð og Skarphéðinn hefur gert í gegnum tíðina.“
Frá vinstri: Skarphéðinn Ragnarsson, Birgir Ingólfsson, Gísli Arnór Pálsson, Lárus B. Jónsson, Sigurbjörn Bogason og Ólafur Bernódusson.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
