Tilraunaverkefni um hækkað menntunarstig í Norðvesturkjördæmi
Tilraunaverkefni um hækkað menntunarstig í Norðvesturkjördæmi fer vel af stað. Verkefnið er liður í átaki til þess að hækka menntunarstig í íslensku atvinnulífi og eitt af nokkrum verkefnum sem sett voru af stað í framhaldi af kjarasamningum aðila vinnumarkaðarins í maí 2011. Í sumar hafa 12 starfsmen á vegum verkefnisins farið vítt og breytt um kjördæmið og tekið viðtöl við um 700 stjórnendur og starfsmenn fyrirtækja og stofnana. Megintilgangur viðtalanna er að kanna þörf einstaklinga og atvinnulífs fyrir menntun. 100 viðtöl hafa verið tekin við starfsfólk af erlendum uppruna. Verkefnið nýtur mikils velvilja og hefur starfsfólk alls staðar fengið góðar móttökur.
Viðtölum lýkur í byrjun september en bráðbirgðaniðurstöður voru kynntar á fundi verkefnastjórnar sem fram fór á Ísafirði föstudaginn 23. Ágúst síðastliðinn. Í verkefnastjórninni sitja fulltrúar atvinnulífs, stéttar-félaga, sveitarfélaga og skóla- og fræðslustofnana í Norðvesturkjördæmi. Vilhjálmur Egilsson, rektor Háskólans á Bifröst, er formaður verkefnastjórnar en skólinn annast jafnframt umsýslu um verkefnið.
Bráðabirgðaniðurstöður gefa til kynna að skortur er á iðnmenntuðu fólki í kjördæminu og að þörf er á námi tengdu sjávarútvegi, matvælaframleiðslu og þjónustu. Algengasta ástæða þess að fólk hættir námi er áhugaleysi, fjárhagsaðstæður og fjölskylduaðstæður.
Í viðtölum við erlent starfsfólk kemur m.a. í ljós að meirihluti þeirra hyggst búa áfram á Íslandi næstu 5 árin og að íslenskukunnáttu þeirra er ábótavant.
Skoðanakönnun á meðal fyrirtækja í kjördæminu hefur verið unnin um þörf fyrir menntun, heppilegasta námsfyrirkomulag og fleira sem snýr að eflingu menntunar í atvinnulífinu. Á næstunni fer af stað könnun á meðal einstaklinga í Norðvesturkjördæmi sem byggir á þjóðskrárúrtaki. Leitað verður svara við ýmsum spurningum sem snúa að áhuga og aðgengi að námi, hvatningu og hindrunum.
Ítarlegar niðurstöður viðtala og kannana verða kynntar í lok september. Þá verða einnig kynntar tillögur um verkefni og aðgerðir sem byggja á umræddum niðurstöðum.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
