Tók á móti ríflega 40 þúsund gestum

feykir.is Skagafjörður, Listir og menning 19.01.2015 kl. 13.45
Tók á móti ríflega 40 þúsund gestum

Á meðal verkefna síðasta árs hjá Byggðasafni Skagfirðinga er fornleifauppgröftur á 11. aldar skála á Hamri i Hegranesi en einnig var skipt út sýningunni Gersemar og þarfaþing, í sal Minjahússins á Sauðárkróki, fyrir geymslusýninguna Hitt og þetta úr geymslunni. Þetta kemur fram á vef safnsins þar sem stiklað er á helstu verkefnum ársins 2014.

Byggðasafnið tók á móti ríflega 40 þúsund gestum á árinu og gefin voru út átta rannsóknaskýrslur og eitt smárit.

„Við héldum áfram viðgerðum og byggingahandverkskennslu á Tyrfingsstöðum með Fornverkaskólanum. Við kláruðum að skrá strandminjar út að austan og skráðum og rannsökuðum austfirskar minjar. Við skráðum 2500 ljósmyndir frá Tyrfingsstöðum í Sarp,“ segir á vef safnsins.

Einnig var haldið áfram verkefninu Eyðibýli og afdalir, í samstarfi við starfsmenn Byggðasögu Skagafjarðar og fjölda nýrra staða kannaðir. Staðir og svæði sem rannsökuð hafa verið í tengslum við útgáfu ritsins eru hátt í 80 talsins. Unnið var að miðaldakirkjurannsóknum með bandarísku rannsóknarteymi (SASS), sem safnið er og hefur verið í samstarfi við.

Byggðasafnið tók þátt í evrópska samstarfsverkefninu LoCloud í samstarfi við Minjastofnun Íslands. En verkefnið miðar að því að gera smærri söfnum eða öðrum menningarstofnunum kleift að gera starfrænt efni aðgengilegt á netinu.

„Við fórum í Rökkurgöngu í gamla bæinn í Glaumbæ, á jólaföstunni, þrátt fyrir ómögulegt veður og ófærð. Við gerðum ýmislegt fleira, bæði innan héraðs og utan, og munum tíunda það í ársskýrslunni sem er væntanleg á þorranum,“ er á meðal þess sem segir um verkefni ársins á síðu heimasíðu Byggðasafns Skagfirðinga. 

 

Til baka

Fleiri fréttir

  • Á myndinni eru allir nemendur 7. - 10. bekkjar ásamt starfsfólki, en ómissandi hluti af Skólahreysti er stuðningsliðið sem fylgir á keppnirnar. MYND: VARMAHLÍÐARSKÓLI.IS

    Varmahlíðarskóli endaði í 3ja sæti í Skólahreysti

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55 oli@feykir.is
    Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.
    Meira

  • Ekki vika sem haldið verður upp á hjá UMFT

    feykir.is Skagafjörður, Íþróttir, Lokað efni 25.05.2025 kl. 18.58 oli@feykir.is
    Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.
    Meira
  • Acela Arnarsson með verðlaunagripinn. MYND AF SÍÐU PKS

    Axel Íslandsmeistari í pílu í U18 flokki stráka

    feykir.is Skagafjörður, Íþróttir, Lokað efni 24.05.2025 kl. 18.08 oli@feykir.is
    Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.
    Meira
  • Vogues Hafliðadóttir tónlistarkona með meiru. AÐSEND MYND

    Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA

    feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27 oli@feykir.is
    Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.
    Meira
  • Það var betra að klæða af sér rigninguna í dag fyrst hitabylgjan tók sér smá frí. MYND AF AÐDÁENDASÍÐUNNI

    Heimavöllur Húnvetninga heldur áfram að gefa

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15 oli@feykir.is
    Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.
    Meira
Yfirlit frétta