Umhverfisráðherra leggst gegn undanþágu
Fréttablaðið greindi frá því í síðustu viku að urðunarstaðurinn Stekkjarvík í Austur-Húnavatnssýslu hygðist óska eftir undanþágu á starfsleyfi frá Umhverfisstofnun þar sem sláturúrgangur hafi aukist mikið. Því séu líkur á að þeir fari yfir leyfilegt magn úrgangs til urðunar í ár en staðurinn hefur leyfi til að urða allt að 21.000 tonn árlega.
Að sögn Fannars Viggóssonar, verkstjóra urðunarstaðarins, eru tvær meginskýringar á því að þörf sé á undanþágu frá Umhverfisstofnun. Annars vegar hendi einstaklingar meiru en áður sem sé merki um uppsveiflu í einkaneyslu, hins vegar að tekið sé við sorpi og úrgangi frá stærra svæði eða allt frá Húnaþingi vestra austur í Norðurþing.
Björt Ólafsdóttir, umhverfisráðherra, segir í viðtali við Fréttablaðið á föstudag að hún leggist gegn því að veita undanþágu frá gildandi starfsleyfi. „Það leysir ekki þann vanda sem við er að etja því ljóst er að sama vandamál mun koma upp aftur næsta haust ef fram heldur sem horfir,“ segir Björt. Hún bætir því við að vinna hafi verið í gangi við að banna urðun lífræns úrgangs. „Mun umhverfisvænna er að nýta þennan lífræna úrgang til þarfari verka, svo sem í moltugerð eða framleiðslu á lífdísil. Í rauninni eru möguleikarnir margir og betri fyrir náttúruna en urðun.,“ segir Björt ennfremur.
Tekið er á móti lífrænum úrgangi hjá Jarðgerðarstöðinni Moltu í Eyjafirði sem tók við rúmum átta þúsund tonnum til moltugerðar í fyrra. Úr því eru framleidd um fjögur þúsund tonn af næringarríkum jarðvegi sem hefur nýst vel til landgræðslu sem bæði bændur og fyrirtæki hafa nýtt sér. Þar er hægt að taka við öllum sláturúrgangi sem fellur til á Norðurlandi. Kristján Ólafsson, framkvæmdastjóri Moltu í Eyjafirði, segir í viðtali við Fréttablaðiðað hins vegar sé ódýrara fyrir fyrirtækin að láta urða úrganginn en að búa til moltu úr honum sem þó sé mun umhverfisvænna í alla staði.
Fleiri fréttir
-
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira
