Ungir bændur þakklátir Jóni Bjarnasyni
Samtök ungra bænda lýsa eindreginni ánægju með þá viljayfirlýsingu sem nú hefur verið gerð milli Bændasamtaka Íslands, Landssambands kúabænda og Sjávarútvegs- og landbúnaðarráðherra, þess efnis að komið verði á nýliðunarstuðningi í mjólkurframleiðslu á Íslandi eins og greint var frá hér á Feyki.is í gær.
Stuðningur við nýliðun í landbúnaði hefur verið eitt af helstu stefnumálum Samtaka ungra bænda frá stofnun samtakanna og hafa ungir bændur haldið á lofti nauðsyn þess að huga að eðlilegri nýliðun og aðgengi inn í atvinnugreinina fyrir ungt fólk, enda sé slíkt forsenda fyrir framtíð landbúnaðar á Íslandi.
Gert er ráð fyrir stuðningi við nýliðun í landbúnaði í samstarfsyfirlýsingu ríkisstjórnarflokkanna og jafnframt er kveðið á um slíkt í gildandi búvörusamningi. Það er því fagnaðarefni að forsvarsmenn landbúnaðarins og kúabænda hafi stigið fyrsta skrefið í þessa átt ásamt sjávarútvegs- og landbúnaðarráðherra sem fulltrúa stjórnvalda.
Samtök ungra bænda vilja lýsa sérstöku þakklæti til Jóns Bjarnasonar sjávarútvegs- og landbúnaðarráðherra sem hefur á sinni ráðherratíð ávallt sýnt málefnum ungs fólks í landbúnaði mikinn skilning og hlustað á þeirra sjónarmið. Landbúnaður er forsenda atvinnu og búsetu víða á landsbyggðinni og öflugur landbúnaður til framtíðar byggir á því að ungt og vel menntað fólk komi til starfa í greininni.
Sjávarútvegs- og landbúnaðarráðherra sýnir í verki að hann hefur skilning á mikilvægi landbúnaðarins í atvinnusköpun á landsbyggðinni og verðmætasköpun þjóðarbúsins. Ein frægasta persóna bókmenntasögunnar komst að þeirri niðurstöðu að það væri mikilvægt að rækta garðinn sinn og það er ánægjulegt að sjá í verki að sjávarútvegs- og landbúnaðarráðherra hefur komist að sömu niðurstöðu. Færi betur á því að aðrir ráðherrar ríkisstjórnarinnar færu að hans dæmi og einbeittu sér að því að byggja upp innviði íslensks samfélags til framtíðar.
Ungir bændur á Norðurlandi fagna líka.
Félag ungra bænda á Norðurlandi fagnar þeirri ákvörðun sem hefur verið tekin af sjávarútvegs- og landbúnaðarráðherra í samstarfi við Bændasamtök Íslands og Landssamband kúabænda að styðja við nýliðun í kúabúskap.
Félag ungra bænda á Norðurlandi telur að stuðningur við nýliðun í kúabúskap sé til þess fallinn að auðvelda ungu fólki að hefja mjólkurframleiðslu á Íslandi. Slíkur stuðningur er ekki aðeins mikilvægur fyrir unga bændur heldur líka fyrir greinina í heild sinni og með undirritun Landssambands kúabænda á þessari viljayfirlýsingu hefur sambandið lýst því yfir með ábyrgum hætti að það hvetji enn fleira ungt fólk til þess að hefja kúabúskap. Enn fremur vill Félag ungra bænda á Norðurlandi lýsa ánægju sinni með störf Jóns Bjarnasonar sjávarútvegs- og landbúnaðarráðherra í þágu ungra bænda og nýliðunar í íslenskum landbúnaði.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
